[١٨] وە وەرگرتنی تەوبە بۆ ئەو كەسانە نیە كە سورن لەسەر ئەنجامدانی سەرپێچی و تاوانەكانیان، و ناگەڕێنەوە بۆ لای پەروەردگاریان تا نەگەنە سەرەمەرگ و مردن یەخەیان پێنەگرێت، دەبینی یەكێكیان دەڵێت : من ئێستا تەوبە دەكەم و دەگەڕێمەوە بۆ لای خوای پەروەردگار، هەروەك چۆن تەوبەی ئەوانەش وەرناگیرێت كە لەسەر نكۆڵیكردن و دان نەنانیان بە تاك و تەنهایی خوای پەروەردگار و پەیامی پەیامبەرەكەی موحەممەد صلى الله عليه وسلم دەمرن . ئەوانەی سورن لەسەر تاوان تا دەمرن، و ئەوانەش نكۆڵیكارن و بە بێباوەڕی ئەمرن، سزایەكی ئێش پێگەیەنەرمان بۆ ئامادەكردوون .