[١٤١] ئەوانە ئوممەتێك بوون لە پێشینانتان و ڕۆشتن و بەسەرچوون، كردەوەیان بۆ خۆیانە، كردەوەی ئێوەش بۆ خۆتانە، لە بارەی كاروكردەوەی ئەوانەوە هیچ پرسیارتان لێناكرێت . وە لەم ئایەتەوە سودێك دەبینرێت كە ئەویش ئەوەیە : مرۆڤ خۆی نەبەستێتەوە بەدروستكراوەكانەوە، وفریو بەوە نەخوات كە ڕەچەڵەك نیسبەتی دەگاتەوە سەر ئەوان، و عیبرەت بە باوەڕهێنانە بە خوای پەروەردگار و بەتاك و تەنها وپەرستنی و شوێنكەوتنی پەیامبەرانی ـ سەلامی خوایان لەسەر بێت ـ، وە هەر كەسێك باوەڕی بە پەیامبەرێك لە پەیامبەران نەبێت، ئەوا بێباوەڕە بە هەموو پەیامبەران .