[٥٩] وە پەروەردگاری تۆ ـ ئەی پەیامبەری خوا صلى الله عليه وسلم ـ هیچ شار و وڵاتێكی دەوروبەری مەككەی لەسەردەمی تۆدا لەناو نەبردووە، تا لە پایتەختەكەیدا ـ كە مەككەیە ـ پەیامبەرێكی نەناردبێت كە ئایەتەكانی ئێمەیان بەسەردا بخوێنێتەوە، وە ئێمە هیچ شار و وڵاتێكمان لە ناو نەبردووە مەگەر كاتێك بووە كە دانیشتوانەكەی ستەمیان لە نەفسی خۆیان كردبێت بە بێباوەڕبوون بە خوا و سەرپێچی كردنی، بەوەش ئەوانە شایستەی سزا و تۆڵە بوون .