[٧٧] ئایا ئاگات لەحاڵی ئەوانە نیە ـ ئەی پەیامبەری خوا صلى الله عليه وسلم ـ كە پێش ڕێدان بە جیهاد و تێكۆشان پێیان وترا : دەست هەڵبگرن لە جەنگان لەگەڵ دوژمنەكانتان لەهاوەڵبڕیاردەران، و لەسەرتانە ئەوە جێبەجێ بكەن كە خوای پەروەردگار لەسەرتانی پێویست كردوە لەنوێژ وزەكات، كەچی كاتێك كە جیهادیان لەسەر فەرزكرا كۆمەڵەیەكیان هێندە حاڵیان گۆڕابوو تا وایان لێهاتبوو لە خەڵكی دەترسان و تۆقابوون، وەك ترسانیان لەخوای پەرورەدگار بگرە زیاتریش، وە ئەوەش ئاشكرادەكەن كە توشیان بووە لە توندی ترسانیان، هەربۆیە دەیانوت : پەروەردگارمان بۆچی تێكۆشانت لەسەر فەرزكردین ؟ خۆزگە ماوەت بدایەین بۆ ماوەیەكی نزیك، بەهۆی خۆشویستنیان بۆ خۆشیەكانی دونیا، تۆش ـ ئەی پەیامبەری خوا صلى الله عليه وسلم ـ پێیان بڵێ : خۆشی و ڕابواردنی ئەم دونیایە كەم و كورتە، و دواڕۆژ و و ئەوەشی كە تێیدایە گەورەتر و هەمیشەییە بۆ ئەوانەی تەقواكاربوون، هەربۆیە كاری بەوە كردووە كە فەرمانی پێكراوە، و دووریش كەوتووەتەوە لەوەی كە یاساغی لێكرابوو . پەروەردگارت لەهیچ شتێكدا ستەم لەكەس ناكات، تەنانەت ئەگەر بە ئەندازەی ئەو دەزوەیش بێت كە لە ناو درزی ( شەقی ) ناوكە خورمادایە .