ماڵپەری بەهەشت

بەشە سەرەکیەکان
پرسیار و وەڵامی شەرعی
ئاماری ماڵپەڕ




ڕێکلام
پاداشت و گەورەیى ترسان لە خواى پەروەردگار

بسْمِ اللَّهِ الرَّحْمَنِ الرَّحيمِ
الحَمْدُ لِلَّهِ نَسْتَعِينُهُ وَنَسْتَغْفِرُهُ وَنَعُوذُ بِهِ مِنْ شُرُوڕ أَنْفُسِنا مَنْ يَهْدِ اللَّهُ فَلاَ مُضِلَّ لَهُ وَمَنْ يُضْلِلْ فَلا هادِيَ لَهُ وأشْهَدُ أنْ لا إِلهَ إِلاَّ اللَّهُ وأشْهَدُ أَنَّ مُحَمَّداً عَبْدُهُ وَرَسُولُهُ. أَمَّا بَعْدُ...
باوەڕدارى خۆشەویست: خواى پەروەردگار كە ئادەمیزادى لەنەبوونەوە هێناوەتە بوون، زاناشە بەوەى كام لەبەندەكانى وەكو پێویست بەندایەتى بۆ ئەكات و لێى ئەترسێت، مرۆڤى باوەڕدار زۆرجار كە قورئانى پیرۆز ئەخوێنێت ئەبینێت كە خواى پەروەردگار ئەو سزاو ئەشكەنجانە دووبارە ئەكاتەوە بۆ ئەوكەسانەى كە بەردەوامن لەسەر تاوان و سەرپێچیكردن.
جا هەركەسێك ژیربێت وبیر بكاتەوە لەوسزایانەى كە باسكراوە لەقورئانى پیرۆزدا، ئەوا دور ئەكەوێتەوە لە هەموو ئەو كاروو كردەوانەى كە ئەبنە هۆى سزادانى ئادەمیزاد لەدواڕۆژدا، وە لەترسی پەروەردگار فرمێسك بەچاوەكانیدا دێتە خوار، بێگومان ترسان لە سزاى پەروەردگار هۆكارێكە بۆچوونە بەهەشت، وە هۆكارێكیشە بۆ بەردەوام ببون لە سەر ڕێگەى ڕاستى ئاینى پیرۆزى ئیسلام، وە هۆكارە بۆ قەبووڵ بوونى پاڕانەوە، وە هۆكارێكیشە بۆ دووركەوتنەوە لەتاوان و سەرپێچى، بە دڵنیلیى ترسان لە سزاى پەروەردگار فەزڵ و پاداشت گەلێك زۆرى هەیە كە لە دونیاو دواڕۆژدا سەرفرازییە...
خواى پەروەردگار لەو كەسانەمان بگێڕێت كە لە ترسى پەروەردگاریان فرمێسك بەچاوەكانیاندا دێتەخوار.

[یەكەم: ترسان لەسزاى پەروەردگار هۆكارێكە بۆ دووركەوتنەوە لەتاوان وسەرپێچى.]
خواى پەروەردگار لە قورئانى پیرۆزدا ئەفەرمووێت:
﴿ قُلْ إِنِّيَ أَخَافُ إِنْ عَصَيْتُ رَبِّي عَذَابَ يَوْمٍ عَظِيمٍ مَّن يُصْرَفْ عَنْهُ يَوْمَئِذٍ فَقَدْ رَحِمَهُ وَذَلِكَ الْفَوْزُ الْمُبِينُ﴾(الأنعام: 15016)
واتە: بڵێ ئەى محمد (صلى الله عليه وسلم) بەڕاستى من زۆر لەسزاى ڕۆژێكى گەورە ئەترسم كە سزاى ڕۆژى قیامەتە، ئەگەر یاخى بم لە فەرمانى پەروەردگارم، هەركەسێك لەوسزایە دەربازبێت لەوڕۆژەدا، ئەوا بەڕاستى خواى پەروەردگار رەحمى پێكردووەو شایستەى مهرەبانى ئەو بووە، ئەو دەربازبوونەسەر فرازییەكى ئاشكرایە.

[دووەم: ترسان لەسزاى پەروەردگار هۆكارێكە بۆ دڵ پاكیى ودڵسۆزى لە كردەوەدا.]
خواى پەروەردگار لە قورئانى پیرۆزدا ئەفەرمووێت:
﴿ إِنَّمَا نُطْعِمُكُمْ لِوَجْهِ اللَّهِ لَا نُڕيدُ مِنكُمْ جَزَاء وَلَا شُكُورًا إِنَّا نَخَافُ مِن رَّبِّنَا يَوْمًا عَبُوسًا قَمْطَڕيرًا﴾ (الإنسان: 9-10).
واتە: بە دڵنیایى ئێمە ئەم خۆراكەتان تەنها لەبەر خاترى خواى پەروەردگارو بۆ بەدەستهێنانى ڕەزامەندى ئەو پێدەبەخشین، نە پاداشتمان لێتان ئەوێت وە نەسوپاس،وە ئەڵێن: بۆیەئەم كارە ئەكەین چونكە لە ڕۆژێكى تاڵ و تاریك و ناخۆش ئەترسین، كە پەروەردگارمان پێش ئەهێنێت.

[سێ یەم: ترسان لەسزاى پەروەردگار هۆكارێكە بۆ تامو چێژ وەرگرتن لە پەرستشدا وە بە پلەبەرزبوونەوە.]
خواى پەروەردگار لە قورئانى پیرۆزدا ئەفەرمووێت:
﴿تَتَجَافَى جُنُوبُهُمْ عَنِ الْمَضَاجِعِ يَدْعُونَ رَبَّهُمْ خَوْفًا وَطَمَعًا وَمِمَّا رَزَقْنَاهُمْ يُنفِقُونَ﴾ (السجدة: 16).
واتە: ئەو باوەڕدارە بەختەوەرانە نێوانیان خۆش نییە لە گەڵ ڕاكشان لەجێگەى گەرم و خۆشدا، لەشەواندا بەنوێژو خواپەرستى بەشێكى شەو بەسەر ئەبەن، هەمیشە نزاو پاڕانەوەیان ڕوو بە پەروەردگاریان، لە خەشم و قین و دۆزەخ ئەترسن، ئاواتى ڕەزامەندیى و بەهەشتیان هەیەو لە ڕزق و ڕۆزی و توانایى و زانیاریەى پێ یان بە خشیوون ئەبەخشن.

[چوارەم: ترسان لەسزاى پەروەردگار هۆكارێكە بۆ قەبوڵ بوونى پارِانەوە.]
خواى پەروەردگار لە قورئانى پیرۆزدا ئەفەرمووێت:
﴿ وَادْعُوهُ خَوْفًا وَطَمَعًا إِنَّ رَحْمَتَ اللّهِ قَڕيبٌ مِّنَ الْمُحْسِنِينَ﴾ (الأعراف: 56).. واتە: هاناو هاوار بۆ خواى پەروەردگار بەرن، لەترسى سزاى دۆزەخ و بەئومێدى بەدەستهێنانى بەهەشت، بەڕاستى ڕەحم و بەخشندەیى پەروەردگار نزیكە چاكە كاران و چاكە خوازان.

[پێنجەم: ترسان لەسزاى پەروەردگار هۆكارێكە بۆ سودو كەڵك وەرگرتن لە قورئانى پیرۆز.]
﴿خواى پەروەردگار لە قورئانى پیرۆزدا ئەفەرمووێت:
[فَذَكِّرْ بِالْقُرْآنِ مَن يَخَافُ وَعِيد﴾(ق: 45) واتە: ئەى محمد(صلى الله عليه وسلم) تۆ تەنها ئەوەت لەسەرە كەبە قورئان بیرى ئەوكەسان بكەیت كە لە هەرِەشەو سزاى ئێمە ئەترسن.

[شەشەم: ترسان لەسزاى پەروەردگار هۆكارێكە بۆسەركەوتن وزاڵ بوون بەسەر ستەمكاردا.]

خواى پەروەردگار لە قورئانى پیرۆزدا ئەفەرمووێت:
﴿قَالَ رَجُلاَنِ مِنَ الَّذِينَ يَخَافُونَ أَنْعَمَ اللّهُ عَلَيْهِمَا ادْخُلُواْ عَلَيْهِمُ الْبَابَ فَإِذَا دَخَلْتُمُوهُ فَإِنَّكُمْ غَالِبُونَ وَعَلَى اللّهِ فَتَوَكَّلُواْ إِن كُنتُم مُّؤْمِنِينَ ﴾ (المائدة: 23). دووكەس لەوانەى كە ترسى خواى پەروەردگاریان لە دڵدا بوو و پەروەردگار نازوونیعمەتى باوەڕ و دڵنیایى تەواوى پێ بەخشیبوون، ووتیان: لە دەروازەى شارەوە بچنە سەریان و(یەك هێرشى گەورە بەر) هەر كەچوونە ئەو دیوەوە، ئەوا بەدڵنیایى ئیتر ئێوە سەركەوتوون،(دووژمنتان شكست ئەهێنێت) جا بۆ بەدەست هێنانى ئەو سەركەوتنە ئەبێت بەتەواوى پشت بەپەروەردگار ببەستن ئەگەر ئێوە باوەڕدارن.
لەئایەتێكى تردا پەروەردگار ئەفەرمووێت:
﴿وَلَنُسْكِنَنَّـكُمُ الأَرْضَ مِن بَعْدِهِمْ ذَلِكَ لِمَنْ خَافَ مَقَامِي وَخَافَ وَعِيدِ﴾ (إبراهيم: 14) واتە: بەدڵنیایى نیشتە جێتان ئەكەین لەو ووڵاتەدا لەدواى ئەوان، ئەوەش بۆ هەموو ئەوكەسانەیە كە لە وەستان لە بەردەم دەسەڵاتى مندا ئەترسن و لە سزاو هەڕەشەكانى من ترسیان هەیە.

[حەوتەم: هەركەسێك بترسێت لە وەستان لە بەردەم دەسەڵاتى پەروەردگار دووباخى رِازاوەى بۆهەیە. ]
لەئایەتێكى تردا پەروەردگار ئەفەرمووێت:
﴿وَلِمَنْ خَافَ مَقَامَ رَبِّهِ جَنَّتَانِ﴾ واتە: هەركەسێك بترسێت لە وەستان لە بەردەم دەسەڵاتى پەروەردگار ئەوا دووباخى ڕازاوەى بۆهەیە.
لەكۆتایدا... ئەمە گوڵ بژێرێك بوو لە فەزڵ و گەورەیى ترسان لە خواى پەروەردگار داواكارم لە پەروەردگار ترسى خۆى بكاتە دڵەكانمانەوە، بە ڵكو لەو هەمووخێرو فەزڵ و پاداشتە بێ بەش نەبین، وە داواكارم لە خواى پەروەردگار
لە بەهەشتە پڕنازوو نیعمەتەكەیدا كۆمان بكاتەوە
هاوەڵى خۆشەویست (أبي هريرة) (رضي الله عنه) ئە فەرمووێت:پێغەمبەرى خوا (صلى الله عليه وسلم) فەرموویەتى:(سبعة يظلهم الله في ظله يوم لا ظل إلا ظله... و رجل ذكر الله خاليا ففاضت عيناه و رجل دعته امرأة ذات منصب و جمال فقال: إني أخاف الله رب العالمين).رواه البخاري (660) ومسلم (2377).
واتە: حەوت كۆمەڵ هەن لەژێر سێبەرى پەروەردگاردان لە ڕۆژێكدا كە هیچ سێبەرێك نییە جگە لەسێبەرى پەروەردگار
..... وە پیاوێك ئەگەر تەنها بێتەوەو یادى پەروەردگارى بكات فرمێسك بە چاوەكانیدا دێتە خوار، وە پیاوێك ئافرەتێكى جوان و خاوەن سامان داواى كارى بێ شەرعى لێ بكات پیاوەكەش بڵێت: من لە خواى پەروەردگار ئەترسم.
رواه البخاری (660) ومسلم (2377).

وآخر دعوانا أن الحمدلله رب العالمين
والصلاة والسلام على نبينا محمد وعلى آله وصحبه أجمعين

www.ba8.org

بینێرە بۆ هاوڕێکەت
چاپکردن
ستایڵ
  • قەبارەی فۆنت
    • گەورەکردن:
    • zoomin
    • بچوک کردنەوە:
    • zoomout
  • جۆری فۆنت
    • ههەڵبژاردن:
  • ڕەنگی فۆنت
    • هەڵبژاردن:
  • بنەڕەتی کردنەوە
    • بنەرەتی
ڕێکلام