ماڵپەری بەهەشت

بەشە سەرەکیەکان
پرسیار و وەڵامی شەرعی
ئاماری ماڵپەڕ




ڕێکلام
پاداشت و گەورەیى ڕۆژى هەینى(الجمعة‌)

بسْمِ اللَّهِ الرَّحْمَنِ الرَّحيمِ
الحَمْدُ لِلَّهِ نَسْتَعِينُهُ وَنَسْتَغْفِرُهُ وَنَعُوذُ بِهِ مِنْ شُرُوڕ أَنْفُسِنا مَنْ يَهْدِ اللَّهُ فَلاَ مُضِلَّ لَهُ وَمَنْ يُضْلِلْ فَلا هادِيَ لَهُ وأشْهَدُ أنْ لا إِلهَ إِلاَّ اللَّهُ وأشْهَدُ أَنَّ مُحَمَّداً عَبْدُهُ وَرَسُولُهُ. أَمَّا بَعْدُ...
باوەڕدارى خۆشە ویست: ڕۆژى هەینى سەروەرى ڕۆژەكانە، وە لە هەموویان گەورەترو بەڕێز ترە لاى خواى پەروەردگار، وە ئەو ڕۆژە گەورەترە تەنانەت لە جەژنى ڕەمەزان و قوربانیش، وە ڕۆژى هەینى خواى پەروەردگار كردۆتى بە شایەت بۆ بەندەكانى، وە لەڕۆژى هەینى دا سەعاتێك هەیە پاڕانەوە تێیدا وەڵام ئەدرێتەوە، وە هەر باوەڕداریك لەو ڕۆژەدا بمرێت خواى پەروەردگار ئەى پارێزێت لە تاقیكردنەوەى ناو گۆڕ، وە خوێندنى سورەتى (الْكَهْف) تێیدا ئەبێت بە ڕووناكى نێوان دوو هەینى، وە خۆشۆردن و خۆپاك كردنەوە لەو ڕۆژەدا ئەبێتە هۆى سڕینەوەى تاوان و كەفارەتى، وە سەڵاواتدان لەسەر پێغەمبەرى خوا (صلى الله عليه وسلم) پاداشتى گەلێك زۆرى هەیە، ئەمانەو چەندین فەزڵ و پاداشتى كردەوە لەم ڕۆژە پیرۆزەدا باسكراوە لەلایەن پێغەمبەرى خواوە (صلى الله عليه وسلم) بە پشتیوانى خواى پەروەردگار هەندێك لەو فەزڵ و پاداشتانە باس ئەكەین لە ژێر ڕۆشنایى فەرموودە (صحيح)ەكانى پێغەمبەرى خواوە(صلى الله عليه وسلم) لەوانە:
[یەكەم: رِۆژى هەینى ئەبێت بە شاهید بۆ ئەو باوەرِدارانەى كە زوو ئەچن بۆ مزگەوت (نوێژى جومعة)]
خواى پەروەردگار لە قورئانى پیرۆزدا ئەفەرمووێت:{وَالْيَوْمِ الْمَوْعُودِ * وَشَاهِدٍ وَمَشْهُودٍ } (البروج: ٢ - 3). واتە: سوێند بەو ڕۆژەى كە بەڵێن دراوە كەڕۆژى دواییە(كە ئەو ڕۆژە مژدەیە بۆ باوەڕداران وە هەڕشەیە بۆ بێ باوەڕان)، وە سوێند بە شایەت و شایەتى لەسەر دراو، یاخود شایەت و بینراوەكان.
وە هاوەڵى خۆشەویست (أبي هریرة(رضي الله عنه) ئەفەرمووێت: پێغەمبەرى خوا (صلى الله عليه وسلم) فەرموویەتى: (اليَوْمُ المَوْعُودِ يومُ القِيامةِ والشاهِدُ يَوْمُ الْجُمُعَةِ والمشهودُ يوم عرفة و يَوْمُ الْجُمُعَة ذخرهُ الله لنا) رواه أبي داود في السنن (3339)، وأحمد في المسند(7960)، و الطبراني في معجم الكبير(3458)، و البيهقي في شعب الإيمان (2965)، والشيخ الألباني (رحمه الله) في صحيح الجامع (8200) و(8201). واتە: ڕۆژى بەڵێن دراو ڕۆژى دواییە، وە شاهید ڕۆژى هەینى یە(چونكە ڕۆژى هەینى فریشتەكان ناوى ئەو باوەڕدارانە ئەنوسن كە زوو دێن بۆ نوێژى هەینى)، وە شایەتى لەسەر دراو ڕۆژى (عەرەفەیە)، وە ڕۆژى هەینى توێشووە خواى پەروەردگار بۆی داناوین.
[دووەم: چاكترین و باشترین رِۆژى هەفتەیە]
پێغەمبەرى خوا (صلى الله عليه وسلم) فەرموویەتى:(خَيْرُ يَومٍ طَلَعَتْ فِيه الشَّمْسُ يَوْمُ الْجُمُعَةِ فِيه خُلِقَ آدَمُ وَفِيهِ أُدْخِلَ الْجَنَّةَ وفِيه أُخْڕجَ مِنْهَا) رواه مُسْلِم (1973) واتە: چاكترین ڕۆژێك خۆرى بەسەردا هەڵهاتبێت ڕۆژى هەینى یە، لەو ڕۆژەدا ئادەم بەدیهێنراوە، وە لەو ڕۆژەدا خراوەتە ناو بەهەشتەوە، وە لەو ڕۆژەدا دەركراوە لەبەهەشت.
لەفەرموودەیەكى تردا پێغەمبەرى خوا (صلى الله عليه وسلم) فەرموویەتى: (أَفْضَلُ الأَيَّامِ عنْدَ الله يَوْمُ الْجُمُعَةِ). صحيح الجامع (1098)واتە: باشترین ڕۆژانى هەفتە بەلاى خواى پەروەردگارەوە ڕۆژى هەینى یە.
[سێ یەم: هەركەسێك لە شەوورِۆژى هەینى دا بمرێت لە تاقیكردنەوەى گۆرِ ئەپارێزرێت.]
پێغەمبەرى خوا(صلى الله عليه وسلم) فەرموویەتى: (ما من مُسْلِمٍ يَمُوتُ يَوْمُ الْجُمُعَةِ أو ليلَة الجُمُعَة إلا وَقاهُ اللَّهُ تَعالى فِتْنَةَ القَبْڕ) صحيح الجامع (5773) واتە: هەر موسڵمانێك لە ڕۆژى هەینى دا یان شەوەكەیدا بمرێت ئەوا پەروەردگار لەتاقیكردنەوەى گۆڕ ئەى پارێزێت.
[چوارەم: خوێندنى سورەتى(الْكَهْف)ئەبێت بەرِوناكى نێوان هەردوهەینى]
پێغەمبەرى خوا (صلى الله عليه وسلم) فەرموویەتى:(مَنْ قَرَأ سُورَةَ الْكَهْفِ في يَوْمُ الْجُمُعَةِ أَضَاءَ لَهُ مِنَ الْنُّوْڕ مَا بَيْنَ الجُمْعَتَيْن) صحيح الجامع (6470).واتە: هەر كەسێك سورەتى (الْكَهْف) بخوێنێت لە ڕۆژى هەینى دا ئەوا ئەوەندە ڕووناكى بۆ دائەگیرسێت بە ئەندازەى نێوان هەردوو هەینى. لەفەرموودەیەكى تردا پێغەمبەرى خوا (صلى الله عليه وسلم) فەرموویەتى: (... أَضَاءَ لَهُ الْنُّوْڕ مَا بَيْنَهُ وَ بَيْنَ الْبَيْتِ الْعَتيق) صحيح الجامع (6471).واتە: ڕووناكى بۆ دائەگیرسێت بە ئەندازەى نێوان خۆی وە كەعبەى پیرۆز.
[پێنجەم: خۆشۆردن و خۆپاككردنەوە لە رِۆژى هەینى دا ئە بێتە كەفارەتى تاوانى نێوان هەر دوو هەینى]
پێغەمبەرى خوا (صلى الله عليه وسلم) فەرموویەتى:(ما مِنْ رّجُلٍ يَتَطّهر يَومُ الجُمُعةِ كَما أُمِر ثمُ يخَرُجُ مِنْ بَيتِهِ حَتَى يَأتي الجُمُعة ويَنْصت حَتى تَقضى صَلاَته إلاَ كان كفارةٌ لما قَبْلَهُ مِنَ الجُمُعة) صحيح الجامع للشيخ الألباني (5710).واتە: هیچ پیاوێك نییە كە خۆى پاك بكاتەوە(خۆى بشۆرێت) ڕۆژى هەینى وەك چۆن فەرمانى پێكراوە، پاشان لەماڵى بێتەدەر تاكو ئەگاتە نوێژى هەینى، وە بێدەنگ بێت تاكو نوێژەكەى ئەكات، ئەوا ئەو نوێژە هەینیە ئەبێت بە كەفارەت و لێخۆش بوونى تاوانى پێشوى.
[شەشەم: لە رِۆژى هەینى دا سەعاتێك هەیە پارِانەوە تێیدا وەڵام ئەدرێتەوە.]
پێغەمبەرى خوا (صلى الله عليه وسلم) فەرموویەتى:(إِنَّ في الْجُمُعَةِ لَسَاعَةً، لاَ يُوَافِقُهَا مُسْلِمٌ قَائِمٌ يُصَلي، يَسْأَلُ الله خَيْراً، إِلاَّ َأعْطَاهُ إِيَّاهُ) رواه مُسْلِم (1968).واتە: بە ڕاستى لە ڕۆژى هەینى دا سەعاتێك هەیە، هەر موسڵمانێك تێیدا نوێژ بكات، وە تێیدا بپاڕێتەوەو داوا لە خواى پەروەردگار بكات بۆ خێرو چاكەى دونیاو دواڕۆژ، ئەوا ئیللا خواى پەروەردگار پێى ئەدات وپێى ئە بەخشێت.
لەفەرموودەیەكى تردا پێغەمبەرى خوا (صلى الله عليه وسلم) فەرموویەتى:(يَوْمُ الْجُمُعَةِ ثنْتَا عَشْرَةَ سَاعَة مِنْهَا سَاعَة لا يُوجَد عَبْدٌ مُسْلِمٌ َيسْأَلُ الله فيهَا شَيْئَاً إِلاَّ آتاهُ اللهُ إِياهُ فَالْتَمِسُوهَا آخِرَ سَاعَةٍ بَعْدَ الْعَصْڕ) صحيح الجامع (8190).بەڕاستى ڕۆژى هەینى (12) دوانزە سەعاتە، سەعاتێكى تێدایە هیچ بەندەیەكى موسڵمان نى یە كە تێیدا بپاڕێتەوەو داوا لە خواى پەروەردگار بكات ئەوا ئیل پەروەردگار دەیداتێ، جا لە سەعاتەكەى كۆتاییدا بە دوایدا بگەڕێن، لە دواى نوێژى عەسر.
ئیمامى النووي (رحمه الله) ئەفەرمووێت: ئەو سەعاتە كاتەكەى چونى ئیمام بۆ سەرمینبەر تا كۆتاى نوێژە. فيض القدیر (2/152).
وە ئیمامى الشوكاني (رحمه الله) ئەفەرمووێت: ووتەى پەسەند ئەوەیە كە كاتەكەى سەعاتى كۆتای ڕۆژى هەینی یە، كە ئەمیش بۆچوونى هاوەڵە بەڕێزەكانە (رضي الله عنهم) وە شوینكەوتەیان (ڕەحمەتى خوایان لێ بێ) وە ووتەى هەموو زانیانە. نيل الأوطار من أحاديث سيد الأخيار شرح منتقى الأخبار(3/303).
وە ئیمامى المناوي (رحمه الله) (41) جێگەى باسكردووە بۆ ئەو سەعاتەى كە پاڕانەوە تێیدا وەڵام ئەدرێتەوە، لە كۆتاى ووتەكەیدا ئەفەرمووێت: ئەو سەعاتە وەك شەوى قەدر وایە ئە بێت باوەڕدار بەردەوام خواپەرستى تێدا بكات، چونكە ئەگەر دیارى بكرایە، خەڵكى گرنگیان بەكاتەكانى تر نەئەدا. والله أعلم. بڕوانە: فيض القدير (2/152).
[حەوتەم: لە رِۆژى هەینى دا سەڵاوات ئەگات بە پێغەمبەرى خوا (صلى الله عليه وسلم)]
1) پێغەمبەرى خوا (صلى الله عليه وسلم) فەرموویەتى:(إِذَا كَانَ يَوْمُ الْجُمُعَةِ و ليلة الْجُمُعَةِ فأكْثِروا الصَّلاةَ عَلي). صحيح الجامع لشيخ الألباني (رحمه الله) (776).
واتە: ئەگەر ڕۆژى هەینى بوو یاخود شەوەكەى ئەوا سەڵاواتى زۆرم لە سەر بدەن.
2) پێغەمبەرى خوا (صلى الله عليه وسلم) فەرموویەتى:(أكْثِروا الصَّلاةَ علي في يَوْمُ الْجُمُعَةِ فإنه ليس يَصَلّي عَلي أَحَدٌ يَوْمُ الْجُمُعَةِ إلاَّ عُرِّضَتْ على صَلاته) صحيح الجامع لشيخ الألباني (رحمه الله) (1208).
واتە: زۆر سەڵاواتم لەسەر بدەن لە ڕۆژى هەینى دا چونكە هیچ كەسێك نیە كە سەڵاواتم لەسەر بدات لە ڕۆژى هەینى دا ئیلا سەڵاواتەكەیم پێ ئەگات.
3)پێغەمبەرى خوا (صلى الله عليه وسلم) فەرموویەتى:(أكْثِروا الصَّلاةَ عَلي يَوْمُ الْجُمُعَةِ وَ ليلة الْجُمُعَةِ فََمَنْ صَلّى عَلي صَلاةً صَلّى الله عَليهِ عَشْرا) صحيح الجامع لشيخ الألباني (1209)واتە: زۆر سەڵاواتم لەسەر بدەن لە شەوو ڕۆژى هەینى دا هەر كەسێك سەڵاواتیكم لەسەر بدات، ئەوا بە هۆى ئەو سەڵاواتەوە خواى پەروەردگار (دە (10) سەڵاوات لەسەر ئەو كەسە ئەدات.
لەكۆتایدا ئەمە گوڵ بژێرێك بوو لە پاداشت و گەورەیى ڕۆژى هەینى، داواكارم لە خواى پەروەردگار لە تاوانەكانى من و ئێوەش خۆش بێت.

وآخر دعوانا أن الحمد لله رب العالمين
والصلاة والسلام على نبينا محمد وعلى آله وصحبه أجمعين

www.ba8.org

بینێرە بۆ هاوڕێکەت
چاپکردن
ستایڵ
  • قەبارەی فۆنت
    • گەورەکردن:
    • zoomin
    • بچوک کردنەوە:
    • zoomout
  • جۆری فۆنت
    • ههەڵبژاردن:
  • ڕەنگی فۆنت
    • هەڵبژاردن:
  • بنەڕەتی کردنەوە
    • بنەرەتی
ڕێکلام