ماڵپەری بەهەشت

بەشە سەرەکیەکان
پرسیار و وەڵامی شەرعی
ئاماری ماڵپەڕ




ڕێکلام
دەروازەى دووەم:خـوێنەكانی ئافـرەت لـە ڕووی شــەرعـــەوە:باسی دووەم:خوێنی زەیسانی

ئەمەش دوو خاڵ دەگرێتەوە:
* خاڵی یەكەم: پێناسەكەی.
* خاڵی دووەم: ماوەكەی.
* خاڵی یەكەم: پێناسەكەی:
خوێنی زەیستانی: بریتیە لەو خوێنەی كە لە شوێنی منداڵبوونی ئافرەتەوە دەردەچێت بەهۆی منداڵ بوونەوە، ئەگەر لەبارچوونیش بێ.(1)
وە لەزمانی عەرەبی دا پێی دەوترێ «النفاس» لەبەر ئەوەی دەرچوونی خوێنەكە بەدوای دەرچونی نەفسێكدا دێ كە منداڵەكەیە.(2)
* خاڵی دووەم: ماوەكەی:
لای كەمی ماوەی خوێنی زەیسانی دیاری نەكراوە، بۆیە ئافرەتی وا هەیە تەنها لە كاتی منداڵ بوونەكەدا خوێنی لێ دێت، بەڵام لای زۆری ماوەكەى لە چل(40) ڕۆژ زیاتر تێپەڕ ناكات، جا ئەگەر ئافرەت پێش چل ڕۆژەكە پاك بوویەوەو لە خوێن بڕا، ئەوا دەبێ خوی بشوات و دەست بكاتەوە بە نوێژ، وە ئەگەرلە چل ڕۆژ زیاتر خوێنی لێ هات ئەوە بە نەخۆشی دەژمێرێتء نابێ لە چل ڕۆژەكە زیاتر خۆی بە زەیسان بزانێ، بۆیە لە دوای ئەو چل ڕۆژە ئەگەر لە خوێنیش نەبڕێ، دەبێ خۆی بشوات و دەست بكاتەوە بە نوێژ.
بەڵگەش بۆ ئەوە: « أُمِّ سَلَمَةَ‌َ» دەفەرمووێ:
« كَانَتْ النُّفَسَاءُ تَجْلِسُ عَلَى عَهْدِ رَسُولِ اللَّهِ صَلَّى اللَّهُ عَلَيْهِ وَسَلَّمَ أَرْبَعِينَ يَوْمًا».
واتە «ئەو ئافرەتەى لە زەیسانیدا بوایە لە سەردەمی پێغەبەرى خوادا صَلَّى اللَّهُ عَلَيْهِ وَسَلَّمَ چل ڕۆژ دادەنیشت»(3)
ئیمامی« الترمذی » دوابەدوای ئەم «حديث» دا دەفەرمووێ:« وَقَدْ أَجْمَعَ أَهْلُ الْعِلْمِ مِنْ أَصْحَابِ النَّبِيِّ صَلَّى اللَّهُ عَلَيْهِ وَسَلَّمَ وَالتَّابِعِينَ وَمَنْ بَعْدَهُمْ عَلَى أَنَّ النُّفَسَاءَ تَدَعُ الصَّلَاةَ أَرْبَعِينَ يَوْمًا إِلَّا أَنْ تَرَى الطُّهْرَ قَبْلَ ذَلِكَ فَإِنَّهَا تَغْتَسِلُ وَتُصَلِّي فَإِذَا رَأَتْ الدَّمَ بَعْدَ الْأَرْبَعِينَ فَإِنَّ أَكْثَرَ أَهْلِ الْعِلْمِ قَالُوا لَا تَدَعُ الصَّلَاةَ بَعْدَ الْأَرْبَعِينَ وَهُوَ قَوْلُ أَكْثَڕ الْفُقَهَاءِ وَبِهِ يَقُولُ سُفْيَانُ الثَّوْڕيُّ وَابْنُ الْمُبَارَكِ وَالشَّافِعِيُّ وَأَحْمَدُ وَإِسْحَقُ ».
واتە « زانایانی صەحابەو تابیعین و دوای ئەوانیش هەمویان یەكدەنگن لەسەر ئەوەی كە ئافرەتی زەیسان چل ڕۆژ دەست لە نوێژ هەڵدەگرێ و نابێ نوێژ بكات، مەگەر پێش ئەو چل ڕۆژە پاكی بە خۆیەوە ببینێ، جا ئەگەر پێش ئەوەی چل ڕۆژەكە تەواو بكات پاكەوە بوو، ئەوا دەبێ خۆی بشوات و نوێژەكانی بكات، بەڵام ئەگەر لەدوای ئەو چل ڕۆژە خوێنی بینی، ئەوە زۆربەی هەرەزۆری شەرعناسان دەڵێن: نابێ واز لە نوێژ كردن بهێنێ لەدوای چل ڕۆژ....».
=========================
(1) فقه السنة 1/63.
(2) كفاية الإخيار1/75.       
(3) صحيح: سنن الترمذي  الجامع الصحيح  - أبواب الطهارة عن رسول الله صلى الله عليه وسلم-باب ما جاء في كم تمكث النفساء - حديث: ‏133‏، وقال الشيخ الألباني:حديث صحيح، أنظر صحيح سنن الترمذى (1/ 236/ 129).

www.ba8.org

بینێرە بۆ هاوڕێکەت
چاپکردن
ستایڵ
  • قەبارەی فۆنت
    • گەورەکردن:
    • zoomin
    • بچوک کردنەوە:
    • zoomout
  • جۆری فۆنت
    • ههەڵبژاردن:
  • ڕەنگی فۆنت
    • هەڵبژاردن:
  • بنەڕەتی کردنەوە
    • بنەرەتی
ڕێکلام