ماڵپەری بەهەشت

بەشە سەرەکیەکان
پرسیار و وەڵامی شەرعی
ئاماری ماڵپەڕ




ڕێکلام
پەیامێك بۆ خوشكى پابەندبووم بەئایینەوە

بسم الله الرحمن الرحيم
ئەڵێن زۆرێك لەئافرەتانى پابەندبوو بەئایین پێچەوانەن سەبارەت بەپابەندبوونەكەیان بەئایینەوە ئەوەش لەبەرئەوەیە كەهەڵناسن بەبینینى ڕۆڵێكى ئاشكرا لەبانگەشەكردن بۆلاى خواى پەروەردگار لەگەڵ ئەوەى كەهەستیش دەكەن بەو هێرشە دڕندە بەردەوامەى كەدەكرێتەسەر ئافرەتانى موسڵمان ئەوانەى كەهەوڵى ئەوەیانە كەدووریان بخەنەوە لەئایینەكەیان وەلەگەڵ ئەوەى كەهەستیش دەكەن بەو دوورى یە گەورەیەى كەلەزۆرێك لەئافرەتانى كۆمەڵگاكەمان دەبینرێت دووركەوتنەتەوە لەفەرمانەكانى شەرع.
لەگەڵ ئەوەشدا ئەبینن ئەوەى كەبەسەر ئوومەتەكەدا هات لەناسۆرى و دەردەسەرى ئەوەش هیچ چارەسەرێكى نى یە ئیللا گەڕانەوە نەبێت بۆلاى خواو بانگەشەكردن بۆ ئەوە.
هەروەها لەگەڵ ئەوەش زۆربەیان گەشتوونەتە ئەوەى كەڕۆڵیان گەورەترین ڕۆڵەو گرنگە بۆ چاككردنى ئافرەتان لەكۆمەڵگاكەماندا.
ئایا ئەمە ڕاستە؟!
دەشتوانیت وەڵامەكەى دیارى بكەیت بۆ خۆت پاش وەڵام دانەوە لەسەر ئەم پرسیارانەى خوارەوە:
١ـ ئایا گەورەترین خەمت كەهەڵتگرتووە لەهەموو كات و شوێن و بۆنێكدا خەمى بانگەشە بووە؟
واتە: چۆن بانگەشەى غەیرى خۆت بكەیت بۆلاى خواو بارودۆخى چاك بكەى و چۆن كارێك بكەى بۆ ئەوەى یارمەتى یان بدەیت و ڕزگارى ئەم ئوومەتە بكەیت و بیانگەڕێنیتەوە بۆ دەست گرتنێكى ڕاستەقینە بەئایینەكەى، ئەو ئایینەى كەتەنها ڕێگەیەكە بۆ سەرخستنى و سەركەوتنى، وەئایا گران بەهاترین كات و هەوڵ و داراییت بەخشیوە لەپێناویدا؟
٢ـ ئایا سووربوویتە لەسەر ئەوەى كەهیچ دەست بەتاڵییەك بەفیڕۆ نەدەیت یان هەر بۆنەیەك كەئامادەبوویتە تیایدا بەبێ ئەوەى كردارێكت تیایدا كردبێت لەپێناوى چاككردن و بانگەشەكردن و ئاڕاستەكردن ئیتر ئەگەر بەووتەیەكى بەسوود بێت یان بەهەرچ ڕێگەیەكى تر بێت؟
٣ـ ئایا گرنگیت داوە بەهاوسێكانت و چاكەت كردووە لەگەڵیانداو هەستاویت بەوەى كەهەفتانەیان بۆدانەى بۆ ئەوەى یادو زیكرى خواى تیابكەن كەئەوەش هۆكارێكى كاریگەرو ئاسانە بۆ چاك بوونیان وەئایا هەستاویت بەوەى كەبەبەردەوامى كاسێت و كتێب دابەش بكەیت بەسەریاندا.
٤ـ ئایا خەمى كەس و كارە نزیكەكانت دەخۆیت و هەوڵى ئەوە دەدەیت پەیوەندیت لەگەڵیاندا هەبێت و كاریگەریت لەسەریان هەبێت بەهەموو ڕێگە جۆراوجۆرەكان كەباشترین ڕێگەشیان بریتىیە لەدابەشكردنى كاسێت و كتێب بەشێوەیەكى دیارى كراوو بەردەوام؟ وەئایا هەوڵى ئەوەت داوە كەچاودێرى بارودۆخیان بكەیت و چاكەیان لەگەڵدا بكەیت و گرنگیشت داوە بەكێشەكانیان و هەڵساوى بەكردنى وانەیەكى بەردەوام بۆیان ئەگەر لەتوانادا بوو؟
٥ـ ئایا گرنگیت داوە بەبانگەشەكردنى مندالاَن و تازە پێگەیشتووان لەخێزان و هاوسێكانتداو ڕێنموونییانت كردووە بۆ هەموو ئەو شتانەى كەچاكەى تێدایە؟
٦ـ ئایا هاوسێ و كەس و كارە نزیكەكانت یادخستووەتەوە بەباسى خێركردن و چالاكىیەكى سوودبەخش وەهەوڵى ئەوەت داوە كەپەیوەستیان بكەیت بەوەوە؟
٧ـ ئەگەر تۆ مامۆستایت یان قوتابیت ئایا هەوڵێكى زۆرت داوە بۆ ئەوەى بانگەشەى ئەوانە بكەیت كەلەگەڵتدان لەقوتابخانەكەدا؟
٨ـ ئایا هاوبەشیت كردووە لەهەر چالاكىیەكى ئافرەتان بەبەشدارى كردن بێت لەبانگەشەكردن بۆلاى خواى گەورەو گەیاندنى چاكەو خێر بەخەڵكى؟
٩ـ ئایا هاوبەشیت كردووە لەو كۆڕو كۆمەڵە ووتارخوێنە گشتیانەى كەبۆ ئافرەتانە وەئەو دەست نووسانەى كەبۆ گۆڤارە ئیسلامىیەكانە ئەگەر تۆ لەوانەى كەتوانات هەیە لەسەرى، یان تۆ بەهانە ئەهێنیتەوە لەوەدا بۆ كەمترین بەهانەیەك كەتووشت بووە لەگەڵ زانینت بەگرنگى كارەكەو پێویستى یەتى؟
١٠ـ ئایا كارەكانت ڕێكخستووەو هەوڵ و كۆششت تیاداوە بۆ ئەوەى بەشێكى باشت هەبێت لەزانین و زانیارىیەكى شەرعى كەئەوەش شتێكى بنچینەیى یە بۆ بەردەوامى و سەركەوتنت لەبانگەشەكەتدا؟
١١ـ ئایا تۆ پێشەنگێكى ڕاستەقینە بوویتە بۆ ئافرەتانى كۆمەڵگاكەمان لەهەموو ئەو شتانەى كەپەیوەستن بەشێوەو شێوازى ئافرەتانى موسڵمانەوە؟
١٢ـ ئایا یارمەتى مێردە بانگەشەكارەكەت داوە بەوەى كەبارودۆخێكى گونجاوى بۆ بڕەخسێنى و هانت داوە بۆ كارو كردارى چاكەو حیسابى ئەوكاتەت كردووە كەبەتەنها بەسەرى دەبەیت لەماڵدا بۆ ئەوەى خۆت خەریك بكەیت بەئیشێكەوە باشترە لەوەى كەسەرزەنشت و لۆمەى مێردەكەت بكەیت؟ یان ئەگەر مێردەكەت لەبانگەشەكاران نىیە ئایا هانت داوە لەسەر پابەندبوون بەئایینەوەو بانگەشەكردنەوە؟
١٤ـ ئایا كردەوەیەكى جدیت كردووە بۆ ئەوەى منداڵەكانت پێ بگەیەنى بەپێ گەیاندنێكى چاك بۆ ئەوەى بپارێزرێن لەشوێنەوارى هەموو ئەوانەى كەپێچەوانەى شەریعەتن هەروەها بۆ ئەوەش كەئەوان لەوانەبن كەخەمى ئایینەكە هەڵگرن و هەوڵى ئەوە بدەن كەئایینەكە سەربخەن و خزمەتى بكەن؟
١٥ـ پاشان و كۆتایى ئایا هەستاویت بەنوێ كردن و جوان كردنەوەى هۆكارە بانگەشەیىیەكان بۆ ئەوەى كاریگەرىیەكەى بەهێزتر بێت و چاكەكەشى زیاتر بێت؟

www.ba8.org

بینێرە بۆ هاوڕێکەت
چاپکردن
ستایڵ
  • قەبارەی فۆنت
    • گەورەکردن:
    • zoomin
    • بچوک کردنەوە:
    • zoomout
  • جۆری فۆنت
    • ههەڵبژاردن:
  • ڕەنگی فۆنت
    • هەڵبژاردن:
  • بنەڕەتی کردنەوە
    • بنەرەتی
ڕێکلام