ماڵپەری بەهەشت

بەشە سەرەکیەکان
پرسیار و وەڵامی شەرعی
ئاماری ماڵپەڕ




ڕێکلام
پێویستە لە نێو منداڵاندا یەكسانیی بەكاربهێنرێ

خوای گەورە دەفەرموێ: [ لَّقَدْ كَانَ فِي يُوسُفَ وَإِخْوَتِهِ آيَاتٌ لِّلسَّائِلِينَ*إِذْ قَالُواْ لَيُوسُفُ وَأَخُوهُ أَحَبُّ إِلَى أَبِينَا مِنَّا وَنَحْنُ عُصْبَةٌ إِنَّ أَبَانَا لَفِي ضَلاَلٍ مُّبِينٍ*اقْتُلُواْ يُوسُفَ أَوِ اطْرَحُوهُ أَرْضًا يَخْلُ لَكُمْ وَجْهُ أَبِيكُمْ وَتَكُونُواْ مِن بَعْدِهِ قَوْمًا صَالِحِينَ] يوسف: 7-9.
واتە: چیرۆكی یوسف و براكانی پەند و وانە و ئامۆژگارین بۆ ئەو كەسانەی كە دەپرسن. كاتێ براكانی یوسف كۆبونەوە و گوتیان: دیارە یوسف و براكەی لەلای باوكمان لە ئێمە خۆشەویسترە، لە كاتێكدا ئێمە كۆمەڵێكین -بەبێ ئەوانیش دەتوانین خزمەتی باوكمان بكەین- بێگومان باوكمان ئاشكرا و رونە كە گومڕا بوە لەو كارەی دەیكات. براكانیان گوتیان: یوسف بكوژن یان لە زەوى یەك لە شوێنێكی دور فڕێی بدەن، كە نەتوانێ بگەڕێتەوە لای باوكی، ئەو كاتە سۆز و خۆشەویستی و چاودێرى باوكتان تایبەت دەبێ بە ئێوە، لەدوای یوسف ئێوەش دەبن بە قەومێكی چاك و صاڵح.
نوعمانی كوڕی بەشیر گوتویەتی:((أعطاني أبي عطية، فقالت أمي، لا أرضى حتى تشهد رسول الله صلى الله عليه وسلم. فذهب أبي الى النبي صلى الله عليه وسلم وقال له: لقد أعطيت إبني عطية، فأمرتني أمه أن أشهدك يا رسول الله، فقال النبي صلى الله عليه وسلم: أعطيت سائر ولدك مثل هذا؟! قال: لا! فقال رسول الله صلى الله عليه وسلم: وأعدلوا بين أولادكم! ولا تشهدني... فإني لا أشهد على جورٍ!!!)). رواه البخاري
واتە: ئەبی عەطيه شتێكی دا پێم، دایكم گوتی: من رازی نابم تا پێغەمبەرصلى الله عليه وسلم نەبێتە شایەت. دەڵێ: باوكم چوە خزمەت پێغەمبەر و پێی گوت: شتێكم بە كوڕەكەم بەخشیوە، دایكی دەڵێ دەبێ تۆ ببیت بە شایەتی ئەمە.
پێغەمبەر فەرموی: وەكو ئەمەت داوە بە هەمو منداڵەكانت؟!
ئەویش گوتی: نەخێر!
پێغەمبەری خوا فەرموی: لە شت بەخشین دا بە دادگەرى (عەدالەت) بجوڵێنەوە و بەشی هەموان بدەن. منیش مەكە بە شایەتی ئەوە، چونكە من نابمە شایەت لەسەر شتێك كە ستەمى تێدا بكرێ.
ئەنەس دەگێڕێتەوە: ((أن رجلاً كان عند النبي صلى الله عليه وسلم فجاء أبن له فقبله وأجلسه على فخذه، وجاءت أبنة له، فأجلسها بين يديه، فقال رسول الله صلى الله عليه وسلم ألا سويت بينهما؟!)). رواه البزار ورجاله ثقات
واتە: پیاوێك لە خزمەت پێغەمبەر بو، كوڕێكی ئەم پیاوە هاتە لای. پیاوەكەش كوڕەكەی ماچ كرد و لەسەر ڕانی داینا، هەروەها كچێكی هەبو ئەویش هاتە لای، ئەویش هێنای لەبەردەمی خۆی داینا. پێغەمبەری خوا فەرموی: ئەوە بۆچی وەك یەك تەماشات نەكردن و یەكسانیت لە نێوانیاندا نەنواند.
زۆربەی دایك و باوك سكاڵای ئەوە دەكەن، كە لە نێوان منداڵەكانیاندا حەسودی و غیرە پێك بردن دەبینرێ، ئەوەش دەبێتە هۆی لاسەنگی و لاوازی كەسایەتی و رەفتاری منداڵ.
پێغەمبەرصلى الله عليه وسلم واجبی كردوە، كە دەبێ لە نێوان كچ و كوڕ.. خوشك و برا یەكسانی پەیڕەو بكرێ و بە عەدالەت مامەڵە و هەڵس و كەوتیان لەگەڵدا بكرێ، تا حەسودی و رق و قینەیان بەرامبەر بە یەكتری نەبێ.

www.ba8.org

بینێرە بۆ هاوڕێکەت
چاپکردن
ستایڵ
  • قەبارەی فۆنت
    • گەورەکردن:
    • zoomin
    • بچوک کردنەوە:
    • zoomout
  • جۆری فۆنت
    • ههەڵبژاردن:
  • ڕەنگی فۆنت
    • هەڵبژاردن:
  • بنەڕەتی کردنەوە
    • بنەرەتی
ڕێکلام