فرەژنی چارەسەرە نەك تاوان


هاوسەرگیری ڕێگەیەكە ئیسلام پەسەندی كردووە و خوای گەورە بە شەرعی داناوە بۆ ئەوەی مرۆڤ ‏نەفسی خۆی پاك ڕاگرێت، وە بۆ ئەوەی پارێزگاری بكات لەسەر مانەوەی وەچەو ڕەچەڵەكی، وە ‏بۆ ئەوەی بێتە ڕێگەیەك بۆ پەیوەندی كۆمەڵایەتی و چاككردن و ڕەحمەت و سۆز لەنێوان یەكدا، ‏ئیسلام پلە وپایە و گرنگی هاوسەرگیری شەرعی بەرز نرخاندووە، وە بەبەهێزترین هۆكاری داناوە ‏بۆخۆشەویستی و نزیكبونەوە لەنێوان كەسە نامۆ و دورەكان لەیەكتر وەكو خوای گەورە فەرمویەتی: ‏ [وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ‏ذَلِكَ لَآيَاتٍ لِقَوْمٍ يَتَفَكَّرُونَ (21) ‏] (الروم)‏
جا لەوانەی كەبە شەرعی داناوە وەهانی موسوڵمانانی بۆ داوە كردنەوەی دەرگای فرە ژنیە ‏وەمەرجی داناوە لە سەر پیاوان كە دادوەربن و بۆیەكسانی لەگەڵ ئافرەتاندا لەشوێنی نیشتە ‏جێبوون و نەفەقەدان و وە توانای ژیانی هاوسەرگیری هەبێت وەك فەرموییەتی: [فَانْكِحُوا مَا طَابَ لَكُمْ مِنَ النِّسَاءِ مَثْنَى وَثُلَاثَ وَرُبَاعَ فَإِنْ خِفْتُمْ أَلَّا تَعْدِلُوا فَوَاحِدَةً ‏] (النسا‌ء: (3)).‏
‏ جا ئەوانەی دەربارەی مێژووی هاوسەرگیری شتیان نووسیووە لەهەموو سیستەمە مرۆییەكان ‏ئەوەیان ڕاگەیاندوە كەفرە ژنی شتێكی زانراو بووە، وە هەبوە لە هەموو كۆمەڵگاكاندا لەپێش ‏ئیسلام وەك لەمێژووی هاوسەرگیری (وستر مارك) ئەڵێ‌: (فرە ژنی بەئیقراری كڵێسا ماوەتەوە ‏تاوەكو سەدەی حەڤدە وە چەند ین جار ئەو حاڵەتانە دووبارە بوەتەوە) ‏
وە رۆژهەڵات ناسی فەرەنسی (إتیین دینیە) كە موسوڵمان بووە ناوی خۆی ناوە (ناصر الدین) ‏ئەڵێت: پاشاكانی فەرنسا چەندین ژنیان هەبووە لەهەمان كاتدا لەلایەن كڵێساوە رێزیان لێگیراوە جا ‏ئەگەر شوێن كەوتوانی كڵێسا هەروەكو جاران مامەڵەیان بكردایە ئەوە لای ئەوا نیش فرەژنی دروست ‏ئەبو بەڵام كڵێساكانیان كەوتنە بەر كارتێكەری دەرەكی دور لەرێنماییەكانی مەسیحیەت ‏


فایلی هاوپێچ: