نوێژ كۆڵەكەی دینە
بەروار: 2011/11/22سەردارن: 5039نوسەر: زینب حاجی محمود

إِنَّ الحَمْدَ للهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَعُوْذً بِاللهِ مِن شُرُوْرِ أَنْفُسِنَا وَمِنْ سَيِّئَاتِ أَعْمَالِنَا مَنْ يَهْدِهِ اللهُ فَلا مُضِلَّ لَهُ وَمَنْ يُضْلِلْ فَلا هَادِيَ لَهُ ، وَأَشْهَدُ أَنْ لا إِلَهَ إِلاَّ اللهُ وَحْدَهُ لا شَرِيْكَ لَهُ ، وَأَشْهَدُ أَنَّ مُحَمَّداً عَبْدُهُ وَرَسُوْلُهُ ، أَمَّا بَعْدُ ..
سەرەتا : وام بە باش زانی بابەتێكی لەم جۆرە بنووسم و پێشكەشی بكەم بە هەموو ئەو كەسانەی كە تا ئێستا گرنگی بە نوێژەكانیان نادەن ، وە هیوادارم لەم بابەتەمدا بتوانم سوودێك بگەیەنم بە خوێنەری بەڕێز :
پێم خۆشە بەم ووتە پیرۆزەی (رَبُّ العالـمین) دەست پێبكەم كە دەفەرموێت:[ وَمَا خَلَقْتُ الْجِنَّ وَالإِنسَ إِلاَّ لِيَعْبُدُونِ] الذاريات واتە : من جنۆكە و ئادەمیزادم درووست نەكردووە تەنها بۆ ئەوە نەبێت كە بەندایەتی من بكەن .
لێرەدا ئەم پرسیارە دێتە پێشەوە و پێت دەڵێم : بۆچی تا ئێستا بیرت لەوە نەكردووەتەوە نوێژەكانت بە شێوەیەك بێت كە ڕەزامەندی خوای گەورەی لەسەر بێت؟؟؟
خۆ تۆ هەتاهەتایە لە ژیاندا نامێنی و ڕۆژێك دێت مردن یەخەت بگرێت!
ئەوەش باش بزانە كە مردن بە دەوڵەمەندی و فەقیری نییە! وە بەج وانی و ناشرینی نییە! وە بە زیرەكی و تەمەڵی نییە! وە بە پیری و گەنجی نییە! وە بە گەورە و بچووكی نییە ! چەندەها كەس هەبوون لە تەمەنی من و تۆش بچوكتر بوون كە چی ئیستا مردوون , هەریەكێك لە ئێمە ڕۆژی مردنی دیاری كراوە , باشە قەت بیرت لەوە نەكردووەتەوە و بڵێ‌ی : خۆ هەردەبێت ڕۆژێك بێت منیش بمرم بۆ چی تەمەنی ئاڵتونیم بە فیڕۆ بچێ‌ ؟
وە ئەم پرسیارەش لە خۆت بكە و بڵێ‌ : باشە بۆچی شەیتان گاڵتەم پێ‌بكات؟ لە كاتێكدا كە خوای گەورە لە قورئانی پیرۆزدا ئاگادارمانی كردووەتەوە و فەرموویەتی  :[ وَلا يَصُدَّنَّكُمْ الشَّيْطَانُ إِنَّهُ لَكُمْ عَدُوٌّ مُبِينٌ](الزخرف) واتە : با شەیتان ڕێتان پێنەگرێت و لە ڕێی ڕاست لاتان نەدات چونكە بێگومان ئەو دوژمنێكی ئاشكراتانە.
بەڕاستی مردن حەقە و ئەو حەقەش هەموو كەسێك دەبێت بیچێژێت , ئیتر ئەمڕۆ بێت یان
سبەی وەك خوای گەورە لە قورئانی پیرۆزدا دەفەرموێ‌ :[ كُلُّ نَفْسٍ ذَائِقَةُ الْمَوْتِ] (آل عمران)   واتە : هەموو نەفسێك دەبێت مردن بچێژێت ، كە تۆش مردیت ئەوا ناتوانی بۆ یەك چركەش بێت بگەڕێیتەوە و تەوبە بكەی , هەروەها لە دوای مردن دەرگای تەوبە دادەخرێ‌ و تەوبە لە كەس وەرناگیرێ‌ , بۆیە تادرەنگ نەبووە تەوبە بكە و نوێژەكانت بە ڕێكی ئەنجام بدە .
پێغەمبەری پێشەوامان صلى الله عليه وسلم دەفەرموێ‌ : ((رَأْسُ الأَمْرِ الإِسْلاَمُ وَعَمُودُهُ الصَّلاَةُ ...)) صحيح سنن الترمذي رقم : (2616) .. واتە : سەری هەموو شتێك ئیسلامە ، وە بڕبڕەی پشتی ئیسلامیش نوێژ كردنە ـ بە واتایەكی تر : (نوێژ كۆڵەكەی دینی ئیسلامە) .
وە هەروەها دەفەرموێت :((أَوَّلُ مَا يُحَاسَبُ بِهِ الْعَبْدُ يَوْمَ الْقِيَامَةِ الصَلاَةُ فَإِنْ صَلُحَتْ صَلَحَ لَهُ سَائِرُ عَمَلِهِ ، وَإِنْ فَسَدَتْ فَسَدَ سَائِرُ عَمَلِهِ)) (سلسلة الأحاديث الصحيحة رقم : (1358)) . واتە : یەكەمین كردەوە كە لە ڕۆژی دوایدا بەندەی لەسەر موحاسەبە دەكرێت نوێژە , ئەگەر نوێژەكەی ڕێك و چاك و تەواو بوو ئەوا سەرجەم كردەوەكانی تریشی چاك و تەواو دەبێت ، وە ئەگەر خراپ بوو ئەوا سەرجەم كردەوەكانی تریشی تەواو نابێت .
سوێند بە خوا نوێژ كردن دڵ و دەروونت ئاسوودە دەكات , بۆیە تكات لێدەكەم و ئامۆژگاریم ئەوەیە تادرەنگ نەبووە دەست بكە بە نوێژ كردن و قیامەتی خۆت مەفەوتێنە بۆ دونیایەك كە وەك پارچە بەفرێك وایە كە لە ناو دەستتدا بێ‌ و هەردەبێ‌ بتوێتەوە و ببێت بە ئاو و نەمێنێ‌ , بەڵام ئەو بەهەشتەی كە خوای گەورە ئامادەی كردووە بۆ موسڵمانانی لە خوا ترسی ئیمان جێگیر پانایەكەی بە قەد هەموو زەوی و ئاسمانەكانە و خۆشییەكەی هەرنابڕێتەوە .
هەروەها ئەوەش بزانە كە بێباوەڕان (ئەو كەسانەی كە تا ئێستا باوەڕیان بە مردن و نوێژكردن و باڵاپۆشی و تەوبە كردن نییە) لە قەبردا فریشتەێكیان بۆ دانراوە سزادەری بێت كە ئەمە سیفەتەكانیەتی (كوێرە و كەڕە) ! بۆ ئەوەی هەرچەنێ‌ لەو بێباوەڕە بدات و ئازاری بدات نە گوێ‌ی لە هاوار و قیژەی بێت تا بەزەیی پێیدا بێتەوە و نەبیشی بینێ‌ تا وازی لێ‌ بێنێ‌ .
خۆ ئەگەر باوەڕی هێنابێ‌ و نوێژی بە ڕێكی كردبێ‌ و خۆی پاراستبێ‌ لە كارە خراپ و پڕوپوچەكانی ئەم دونیا بڕاوەیە ئەوا ئەم كردەوە چاكانە دەبنە ڕێگر لەو سزا سەختەی قەبر و قیامەت و دەبنە هۆی سەركەوتنی لەو ڕۆژەی كە نە باوك و نە دایكیش بە هانای ڕۆڵەیانەوە ناچن لەو ڕۆژەی كە خوای پەروەردگار لە قورئاندا بەم جۆرە بۆی باس كردوین :[ يَا أَيُّهَا النَّاسُ اتَّقُوا رَبَّكُمْ إِنَّ زَلْزَلَةَ السَّاعَةِ شَيْءٌ عَظِيمٌ (1) يَوْمَ تَرَوْنَهَا تَذْهَلُ كُلُّ مُرْضِعَةٍ عَمَّا أَرْضَعَتْ وَتَضَعُ كُلُّ ذَاتِ حَمْلٍ حَمْلَهَا وَتَرَى النَّاسَ سُكَارَى وَمَا هُمْ بِسُكَارَى وَلَكِنَّ عَذَابَ اللَّهِ شَدِيدٌ] (الـحج).  واتە : ئەی خەڵكینە لە خوای پەروەردگارتان بترسن چونكە بەڕاستی كارەساتی بوومەلەرزەی قیامەت شتێكی زۆر گەورەیە* ڕۆژێك دەیبینن هەموو شیردەرێك بێ‌ئاگایە لەوەی كە شیری پێ‌دەدات ، وە هەموو خاوەن حەملێكیش حەملەكەی دادەنێت و خەڵكیش دەبینیت سەرخۆشن و لە ڕاستیشدا سەرخۆش نین بەڵام سزای خوا تووند و سەختە .
هەروەها خوای گەورە فەرموویەتی :[ يَوْمَ تَكُونُ السَّمَاءُ كَالْمُهْلِ (8) وَتَكُونُ الْجِبَالُ كَالْعِهْنِ (9) وَلا يَسْأَلُ حَمِيمٌ حَمِيماً (10) يُبَصَّرُونَهُمْ يَوَدُّ الْمُجْرِمُ لَوْ يَفْتَدِي مِنْ عَذَابِ يَوْمِئِذٍ بِبَنِيهِ (11) وَصَاحِبَتِهِ وَأَخِيهِ (12) وَفَصِيلَتِهِ الَّتِي تُؤْويهِ (13) وَمَنْ فِي الأَرْضِ جَمِيعاً ثُمَّ يُنجِيهِ (14) كَلاَّ إِنَّهَا لَظَى (15) نَزَّاعَةً لِلشَّوَى (16) تَدْعُوا مَنْ أَدْبَرَ وَتَوَلَّى (17) وَجَمَعَ فَأَوْعَى (18) إِنَّ الإِنسَانَ خُلِقَ هَلُوعاً (19) إِذَا مَسَّهُ الشَّرُّ جَزُوعاً (20) وَإِذَا مَسَّهُ الْخَيْرُ مَنُوعاً (21) إِلاَّ الْمُصَلِّينَ (22) الَّذِينَ هُمْ عَلَى صَلاتِهِمْ دَائِمُونَ (23) وَالَّذِينَ فِي أَمْوَالِهِمْ حَقٌّ مَعْلُومٌ (24) لِلسَّائِلِ وَالْمَحْرُومِ (25) وَالَّذِينَ يُصَدِّقُونَ بِيَوْمِ الدِّينِ (26) وَالَّذِينَ هُمْ مِنْ عَذَابِ رَبِّهِمْ مُشْفِقُونَ (27) إِنَّ عَذَابَ رَبِّهِمْ غَيْرُ مَأْمُونٍ (28) وَالَّذِينَ هُمْ لِفُرُوجِهِمْ حَافِظُونَ (29) إِلاَّ عَلَى أَزْوَاجِهِمْ أَوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ (30) فَمَنْ ابْتَغَى وَرَاءَ ذَلِكَ فَأُوْلَئِكَ هُمْ الْعَادُونَ (31) وَالَّذِينَ هُمْ لأَمَانَاتِهِمْ وَعَهْدِهِمْ رَاعُونَ (32) وَالَّذِينَ هُمْ بِشَهَادَاتِهِمْ قَائِمُونَ (33) وَالَّذِينَ هُمْ عَلَى صَلاتِهِمْ يُحَافِظُونَ (34) أُوْلَئِكَ فِي جَنَّاتٍ مُكْرَمُونَ](الـمعارج) . واتە : ڕۆژی قیامەت ئەو ڕۆژەیە كە ئاسمان وەكو مس ڕۆنی تواوەی لێدێت * وە شاخەكان وەكو خووری شیكراوەی لێدێت * وە هیچ دۆستێك لە دۆستەكانی خۆی ناپرسێتەوە و بایەخیان پێ‌نادات (واتە : كەس لە كەس ناپرسێتەوە ئەگەر چی دۆست و خۆشەویستیشی بێت) * لە كاتێكدا كە دەشیانبینن ، تاوانبار خۆزگە دەخوازێت بەوەی كەوا كوڕەكانی بكات بە فیدای سزای ئەو ڕۆژە * هەروەها خێزانەكەی و براكەشی * هەروەها ئەو بنەماڵە و عەشیرەتەش كە دەیگرنە خۆیان * هەروەها هەموو ئەو كەسانەش كە لە زەویدان بەس بۆ ئەوەی ڕزگاری ببێت * نەخێر ، ئەوە ئاگرێكی بڵێسەدارە * پێستی روومەت و سەر و لەشی دائەماڵێت * وە ئەو ئاگرە بانگی ئەو كەسانە دەكات كەوا لە دونیادا پشتی كردووە لە حەق و لاڕێ‌بووە * وە پارەی كۆكردووەتەوە و هەڵیگرتووە و لە پێناوی خوادا لێی نەبەخشیوە * بەڕاستی مرۆڤــ وا دروست كراوە كە سوورە لەسەر دونیا و خۆشیەكانی ـ بە شێوەیەك كە * ئەگەر زیانێكی پێ‌بگات زۆر بێزار و بێ‌تاقەت دەبێت *وە ئەگەر خێرێكیشی تووش ببێت دەیگرێتەوە و لێی نابەخشێت * تەنها ئەو كەسانە نەبێت كە نوێژگەرن * ئەوانەی كەوا هەمیشە بەردەوامن لەسەر ئەنجامدانی نوێژەكانیان * وە ئەوانەی كەوا لە نێو پارە و ماڵیاندا مافێكی دیاریكراوی زانراو هەیە * بۆ ئەو كەسانەی كە داوادەكەن و ئەوانەش كە بێ‌بەشن و داواناكەن * وە ئەوانەی كەوا باوەڕیان بە ڕۆژی دوایی هەیە و بە ڕاستی دەزانن * وە ئەوانەی كەوا لە سزای پەروەردگاریان دەترسن * بەڕاستی سزای پەروەردگاریان نابێت كەس خۆیی لـێ‌ بێباك بكات بەڵكو دەبێت هەموو كەسێك لێی بترسێت * وە ئەوانەی كەوا پارێزگاری دەكەن لە عەورەتیان * ئیللا لە خێزان و كەنیزەكەكانیان نەبێت ئەوا لەمەدا گلەییان لەسەر نییە * وە هەركەسێك لە جگە لەوەدا بەكاری بێنێت ئەوا سنووری خوای بەزاندووە * وە ئەوانەی كەوا ئاگایان لە ئەمانەت و بەڵێنەكانیانە خیانەتی تێدا ناكەن * وە ئەوانەی كەوا كە هەڵدەسن بە بەجێهێنان و دەربڕینی شایەتیدان لە كاتی پێویستدا *وە ئەوانەی كەوا پارێزگاری دەكەن لە نوێژەكانیان و بە ڕێكوپێكترین شێوە ئەنجامیان دەدەن بێ‌ كەمتەرخەمی * ئا ئەوانە لە نێو باخەكانی بەهەشتدا ڕێزیان لـێ‌دەگیرێت * .
ئەمە پاداشت و دەرئەنجامی كەسانی نوێژگەرە ئەو نوێژگەرانەی كەوا هەمیشە بەردەوامن لەسەر نوێژكردن و پارێزگاری دەكەن لەسەری و كەمتەرخەمی تێدا ناكەن و هەرگیز نوێژیان لـێ‌ نافەوتێت .
وە با پێكەوە ئاوڕێك بدەینەوە بە لای كەسانی كەمتەرخەم لە نوێژەكانیاندا و هەروەها ئەوانەش كە نوێژ ناكەن و دەیفەوتێنن بۆ ئەوەی بزانین چ پاداشت و دەرئەنجامێكیان هەیە :
پاداشتی ئەو كەسانەی كەوا كەمتەرخەمن لە نوێژەكانیاندا : خوای گەورە فەرموویەتی :[فَوَيْلٌ لِلْمُصَلِّينَ (4) الَّذِينَ هُمْ عَنْ صَلاتِهِمْ سَاهُونَ](الـماعون) . واتە : تیاچوون و سزا بۆ ئەو نوێژگەرانەی كەوا كەمتەرخەمی دەكەن لە نوێژەكانیاندا و بایەخی پێ‌نادەن و لە كاتی دیاری كراویدا دوای دەخەن .
وە خوای گەورە زەمی مونافیق و دووڕووكان دەكات و باسی یەكێك لە سیفەتەكانیان دەكات كەوا تەمبەڵی دەكەن لە نوێژكردندا هەروەك فەرموویەتی :[ وَإِذَا قَامُوا إِلَى الصَّلاةِ قَامُوا كُسَالَى](النساء). واتە : مونافیقەكان كاتێك هەڵئەسەن بۆ نوێژكردن بە تەمبەڵیەوە هەڵئەسن .
جا ئەگەر ئەمە حاڵی كەسانی نوێژگەری كەمتەرخەم و تەمبەڵ بێت (واتە نوێژدەكەن بەڵام كەمتەرخەمی و تەمبەڵی تێدا دەكەن) كە سیفەتی مونافیقەكانە و تووشی سزا و تیاچوونیان بكات!!!كەواتە دەبێت حاڵی كەسانی نوێژنەكەر چۆن بێت ئەوانەی كە هەر نوێژ ناكەن و وازیان لـێ‌هێناوە ؟
سزا و پاداشتی ئەو كەسانەی كەوا هەر نوێژ ناكەن و وازیان لـێ‌هێناوە :[ كُلُّ نَفْسٍ بِمَا كَسَبَتْ رَهِينَةٌ (38) إِلاَّ أَصْحَابَ الْيَمِينِ (39) فِي جَنَّاتٍ يَتَسَاءَلُونَ (40) عَنْ الْمُجْرِمِينَ (41) مَا سَلَكَكُمْ فِي سَقَرَ (42) قَالُوا لَمْ نَكُ مِنَ الْمُصَلِّينَ] (الـمدثر).  واتە : هەموو كەسێك لە ڕۆژی قیامەتدا گیروەردەی كردەوەكانیەتی * ئیللا ئەو كەسانە نەبێت كەوا نامەی كردەوە و كتێبەكانیان دەدرێتە دەستی ڕاستیان * ئەوانە لە نێو باخەكانی بەهەشتەوە پرسیار دەكەن * لە تاوانبارەكان *: چـی ئێوەی بردە نێو دۆزەخەوە ؟ * ئەوانیش دەڵێن : ئێمە لەو كەسانە نەبووین كە نوێژیان دەكرد * .
ئایا دەزانێت ئەگەر كەسێك نوێژ نەكات لەگەڵا كێدا حەشر دەكرێت ؟
وەڵامی ئەم پرسیارەمان لەم فەرموودەیەی خوارەوە دەست دەكەوێت : عَنْ عَبْدِ اللَّهِ بْنِ عَمْرٍو (رضي الله عنهما) عَنِ النَّبِيِّ صلى الله عليه وسلم أَنَّهُ ذَكَرَ الصَّلاَةَ يَوْماً فَقَالَ : ((مَنْ حَافَظَ عَلَيْهَا كَانَتْ لَهُ نُوراً وَبُرْهَاناً وَنَجَاةً يَوْمَ الْقِيَامَةِ ، وَمَنْ لَمْ يُحَافِظْ عَلَيْهَا لَمْ يَكُنْ لَهُ نُورٌ وَلاَ بُرْهَانٌ وَلاَ نَجَاةٌ ، وَكَانَ يَوْمَ الْقِيَامَةِ مَعَ قَارُونَ وَفِرْعَوْنَ وَهَامَانَ وَأُبَيِّ بْنِ خَلَفٍ)) (مُسنَد الإمام أحمد رقم : (6733)). واتە : ڕۆژێكیان پێغەمبەر صلى الله عليه وسلم باسی نوێژی كرد و فەرمووی : هەركەسێك پارێزگاری بكات لەسەری ئەوا نوێژكردنەكەی دەبێتە مایەی ڕووناكی و بەڵگە و ڕزگاربوونی لە ڕۆژی قیامەتدا ، وە هەركەسێكیش پارێزگاری نەكات لەسەری ئەوا ڕووناكی و بەڵگە و ڕزگاربوونی نییە ، وە لە ڕۆژی قیامەتدا لەگەڵ (قَارُون وَفِرْعَوْن وَهَامَان وَأُبَيِّ بْنِ خَلَف)دا حەشر دەكرێت .
(ابن القیم) فەرموویەتی : (وفيه نكتة بديعة وهو أن تارك المحافظة على الصلاة إما أن يشغله ماله أو ملكه أو رياسته أو تجارته ، فمن شغله عنها ماله فهو مع قارون ، ومن شغله عنها ملكه فهو مع فرعون ، ومن شغله عنها رياسة ووزارة فهو مع هامان ، ومن شغله عنها تجارته فهو مع أبي بن خلف) [الصلاة وحكم تاركها ص : (63 ـ 64)] .واتە : ئەم فەرموودەیە وانەیەكی كەم وێنەی تێدایە ئەویش ئەوەیە : ئەو كەسەی كە وازدێنێت لە پارێزگاری كردن لەسەر نوێژ یان ئەوەیە پارە و ماڵەكەی سەرقاڵی دەكات بۆ ئەوەی نوێژ نەكات یان موڵك یان دەسەڵات یان كەسابەت و بازارگانی ، جا هەركەسێك پارە و ماڵەكەی سەرقاڵی بكات بۆ نەكردنی نوێژ ئەوا لەگەڵ (قارون)دا حەشر دەكرێت ، وە هەركەسێك موڵكەكەی سەرقاڵی بكات بۆ نەكردنی نوێژ ئەوا لەگەڵ (فرعون)دا حەشر دەكرێت ، وە هەركەسێك دەسەڵات و وزارەتەكەی سەرقاڵی بكات بۆ نەكردنی نوێژ ئەوا لەگەڵ (هامان)دا حەشر دەكرێت ، وە هەركەسێك كەسابەت و تیجارەتەكەی سەرقاڵی بكات بۆ نەكردنی نوێژ ئەوا لەگەڵ (أبی بن خلف)دا حەشر دەكرێت .
وە خوای گەورە فەرموویەتی :[ فَخَلَفَ مِنْ بَعْدِهِمْ خَلْفٌ أَضَاعُوا الصَّلاةَ وَاتَّبَعُوا الشَّهَوَاتِ فَسَوْفَ يَلْقَوْنَ غَيّاً (59) إِلاَّ مَنْ تَابَ وَآمَنَ وَعَمِلَ صَالِحاً فَأُوْلَئِكَ يَدْخُلُونَ الْجَنَّةَ وَلا يُظْلَمُونَ شَيْئاً] (مريم). واتە : لە پاش پێغەمبەران و شوێنكەوتوە ڕاستەقینەكانیان كەسانێك هاتن بەرەو دوا ڕۆیشتن و خۆیان دواخست لە ڕێبازی ئەوان بەوەی كەوا نوێژیان فەوتاند و نەیاندەكرد و شوێنی ئارەزووەكانیان كەوتن ئەوانە لەداهاتوودا تووشی زەرەر و سزای سەخت دەبنەوە* ئیللا ئەوانەیان نەبێت كە تەوبە دەكەن و ئیمان و باوەڕ دێنن و كردەوەی چاكە دەكەن ئا ئەمانە دەچنە نێو بەهەشتەوە و هیچ ستەمیان لـێ‌ناكرێت .
كەواتە خوێنەری بەڕێز هەندێك بیربكەرەوە لەوەی كە ئێمەی ئادەمیزاد بۆچی دروست كراوین ؟ هەندێك بیربكەرەوە لە مردن , هەندێك بیربكەرەوە لە سەرئەنجامی تاوان كردن , هەندێك بیربكەرەوە لەو ڕۆژەی كە خۆت بە تاق و تەنها لە گۆڕدای نە دایك نە باوك نە برا نە خوشك نە پارە نە قەسر و سەیارە نە شەهادەی بەرز , هیچ بە هاناتەوە نایەت جگە لە كردەوە چاكەكانت نەبێت كە لە دونیادا ئەنجامت دابوون .
دوبارە داوات لێدەكەمەوە تا دەرگای تەوبەت لێدانەخراوە تا كارلەكار نەترازاوە تا زمانت توانای پاڕانەوەی هەیە لە خوای گەورە تا چاوەكانت توانای بینینیان هەیە بۆ خوێندنەوەی قورئانی پیرۆز بگەڕێرەوە و تەوبە بكە با لە دواڕۆژدا نەبیت بە ئەهلی دۆزەخ , مەڵێ‌ تاوانم زۆرە و ناتوانم تەوبە بكەم ئەی نازانی تەوبە بۆ ئەو كەسانەیە كە تاوانیان كردووە و گوێڕایەڵی خوای گەورەیان نەكردووە ئیتر بە نوێژ نەكردن بێت یان بە نەكردنی باڵاپۆشی بێت بۆ خوشكان یان بە هەر تاوانێكی تر ... هتد ، ئەی نازانی ئەو تەوبەكردنەت دەبێتە هۆی ئەوەی كە خوای گەورە لە هەموو تاوانەكانت ببورێت ؟ وەك لە قورئانی پیرۆزدا ئاگادارمان دەكاتەوە و دەفەرموێت :[ قُلْ يَا عِبَادِي الَّذِينَ أَسْرَفُوا عَلَى أَنْفُسِهِمْ لا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ] (الزمر) واتە : بڵێ‌ ئەی بەندەكانم ئەی ئەوانەی كە ڕۆچوون و زیادەڕەویتان كردووە لە تاوان كردن بێ‌ئومید مەبن لە ڕەحمەت و میهرەبانی خوا چونكە بەڕاستی خوا لە هەموو تاوانەكان خۆشدەبێت ، بەڕاستی خوا لێبووردە و بە بەزەییە .
بەڕاستی بایەخدان بە نوێژ و پارێزگاری كردن لەسەری ئەوەندە گرنگە تەنانەت وەصێت و دواین ئامۆژگاری پێغەمبەر صلى الله عليه وسلم بۆ ئەوممەتەكەی بریتی بووە لە نوێژ :
عَنْ عَلِيٍّ (رضي الله عنه) قَالَ : كَانَ آخِرُ كَلاَمِ رَسُولِ اللَّهِ (صلى الله عليه وسلم) : ((الصَّلاَةَ الصَّلاَةَ ...)) (صحيح سنن أبي داود رقم : (5156)) واتە : دوا وتەی پێغەمبەری خوا صلى الله عليه وسلم بریتی بوو لە : ئاگاتان لە نوێژەكانتان بێت ئاگاتان لە نوێژەكانتان بێت .
وە كۆتا وتەی منیش ئەوەیە داواكارم لە و خوایەی كە منی هیدایەت داوە بۆ سەر ڕێگای ڕاست, هەمووان هیدایەت بدات پێش ئەوەی ئەو ڕۆژە بێت كە پەشیمانی سوودی نییە, وە زۆر سوپاسی خوێنەری بەڕێز دەكەم كە چەن چركەیەك لە تەمەنی بە خوێندنەوەی ئەم نووسراوە بەخشی ، هیوادارم توانیبێتم لەو چەن چركەیەدا هەندێك سوودم پێ‌ گەیاندبێت, بە هیوای نوێژێك كە ڕەزامەندی خوای گەورەی لەسەر بێ‌ بۆ هەموو لایەك . ئامین
والسلام عليكم ورحمة الله وبركاته ... گەرمیان / كەلار