ماڵپەری بەهەشت

بەشە سەرەکیەکان
پرسیار و وەڵامی شەرعی
ئاماری ماڵپەڕ




ڕێکلام
مژدەكانی پێغەمبەر صلى الله عليه وسلم بۆ هاوەڵانی

بسم الله الرحمن الرحيم
الحمد لله رب العالمين والصلاة والسلام على نبينا محمد وعلى آله وصحبه أجمعين ومن تبعهم باحسان الى يوم الدين،وبعد:
پێغەمبەری خوا (صلى الله عليه وسلم) زۆر مژدەی خۆشی بە هاوەڵانی داوە (رضي الله عنهم) لە زۆر بواری جۆراو جۆردا، ئێمە لێرەدا هەندێك لەو مژدانە باس دەكەین سەبارەت بەوەی كە دوائەنجام سەركەوتن بۆ ئەم ئایینە پیرۆزەیە، لەوانە:
1- سوهەیب(رضي الله عنه) هاتە خزمەت پێغەمبەر(صلى الله عليه وسلم) لەژێر دیواری كەعبەدا بوو سكاڵای حاڵی خۆی و سەرجەم موسڵمانانی تری كردو ووتی: (ألا تستنصر لنا، ألا تدعو لنا ربك).
واتە: ئایا داوای سەركەوتنمان بۆ ناكەی، ئایا ناپاڕێەوە لە خودا رزگارمان بكات.
پێغەمبەر (صلى الله عليه وسلم) فەرمووی: (إنه ليجاء بأحد من قبلكم فيجعل المنشار من رأسه الى قدمه فيجعله نصفين مايرده ذلك عن دينه) (متفق عليه، وانظر: صحيح سنن أبي داود: 2649).
واتە: لەو كەسانەی كەلە پێش ئێمە هاتوون مشاریان لەسەر سەریان دادەنا هەتا سەروپێ‌ یان لەیەك جیا دەكردنەوە بۆ ئەوەی لە ئایینەكەیان پاش گەز ببنەوە، ئەوان دەكران بەدوو پارچەوە كافر نەدەبوونەوە.
پێغەمبەر(صلى الله عليه وسلم) لە كۆتایی قسەكەیدا فەرمووی:(والله لينجو الله هذا الدين حتى يسير الراكب من حضرموت الى العراق لايخاف الا الله والذئب على غنمه؟!)(متفق عليه، وانظر: صحيح سنن أبي داود: 2649).
واتە: سوێند بەخودا خوای گەورە ئەم ئایینە سەركەوتوو دەكات هەتا وای لێ‌ دێت سوار لە حەزرەمەوتەوە دەڕوات بۆ عێراق تەنها لە خودا دەترسێ‌ و پاشان لە گورگ كە زەرەر بە ئاژەڵەكانی بگەیەنێ‌.
تێبینی: ئەمە ڕووی دا لە كاتی عومەری كوڕی خەتابدا(رضي الله عنه) هەتا دەی فەرموو: دەترسم خودا موحاسەبەم بكات لەوەی كە پیرەژنێك لە ڕێگەدا بكەوێت خودا پێم بڵێت: ئەی عومەر بۆچی ڕێگەت چاك نەكردووە بۆ خەڵك؟!!!
2- سوراقە(رضي الله عنه) كاتێ‌ شوێنی پێغەمبەر (صلى الله عليه وسلم) و ئەبو بەكری صدیق(رضي الله عنه) كەتبوو بۆ ئەوەی یان بیان كوژێ‌ یان بیان گرێ‌ خەڵاتی سەد وشتری قورەیش بۆ خۆی مسۆگەر بكات، لە پاش ئەوەی كە ئەبوو بەكر(رضي الله عنه) زۆر ڕووی دەكردە سوراقەو دەیووت ئەی پێغەمبەری خودا(صلى الله عليه وسلم) ئەوە سوراقەیە زۆر نزیك بۆتەوە تیری بەدەستەوەیە؟؟؟؟ بەڵام پێغەمبەر(صلى الله عليه وسلم) هەر بەدڵنیایی یەوە دەڕۆیشت هیچ حسابی بۆ مەترسی سوراقە نەدەكرد!!
بەڵام سوراقە زۆری لە ئەسپەكەی كرد بۆ ئەوەی زیاتر نزیك بێتەوە لە پێغەمبەر(صلى الله عليه وسلم) و ئەبو بەكری صدیق(رضي الله عنه) بەڵام ئەسپەكە فڕێیداو كەوتە خوارێ‌، داوای لە پێغەمبەر (صلى الله عليه وسلم) كرد كە ئەوان دڵنیا بن لە ئەو كە هیچ زیانێكیان لێ‌ نادا، لە پاش ئەوەی كە هاتە خزمەت پێغەمبەر(صلى الله عليه وسلم) و ئەبو بەكری صدیق، پێغەمبەر (صلى الله عليه وسلم) پێی فەرموو: (سوراقە بۆ باوەڕ ناهێنی سوێند بەخوا موڵكو عەرشی كیسرا دەكەوێتە ژێر دەستی ئەم ئوممەتەی منەوە) سوراقە(رضي الله عنه) ووتی: ئەی پێغەمبەر(صلى الله عليه وسلم) من باوەڕم پێ‌ هێنای بەڵام بپاڕێرەوە كەمن لەو سوپایە بم كە شەڕی كیسرا دەكات، بەڵێ‌ پێغەمبەری خوا (صلى الله عليه وسلم) بۆی پاڕایەوە.
لەپاشان سوارقە(رضي الله عنه) ووتی: ئەی پێغەمبەر(صلى الله عليه وسلم) نان و ئاوتان بخەمە خزمەت؟ پێغەمبەر (صلى الله عليه وسلم) فەرمووی: پێویستمان بەنان و ئاو نی یە باوەڕی خۆت بشارەوە، وەئەگەر لێیان پرسیت ڕیگەی ئێمەیان لێ‌ هەڵە بكەن..
بەڵێ‌ سوراقە(رضي الله عنه) یەكێك بوو لەوانەی كە عەرشی فارس كەوتە ژێر دەستیان لە كاتی عومەری كوڕی خەتتاب(رضي الله عنه)، واتە ئەم پەیمانی سەركەوتنەی پێغەمبەر(صلى الله عليه وسلم) لەپاش نزیكەی پانزە ساڵ هاتە جێ‌!!!(صحيح البخاري، وانظر: مشكاة المصابيح: 5869).
3- لە كاتی هەڵكەندنی خەندەق دا كاتێ‌ هەموو هۆزو خێڵ و تیرەو تایفەكان هاتن و هێرشیان بۆ مەدینە هێنا پێغەمبەر (صلى الله عليه وسلم) و یارانی بەتایبەت سەلمانی فارسی(رضي الله عنه) بۆچونیان وابوو كە چاڵێك هەڵ كەنن بە چوار دەوری مەدینەدا بۆ ئەوەی بتوانن بەڕەڤانی بكەن لەمەدینە ئەو كەم و كورتی یەی گەورەی سنووری مەدینە زۆری دوژمنان كە بریتی بوو زیاتر (51) هەزار سەربازو چەك بەدەست توانای شەركردنیان هەبوو. لە كاتی هەڵكەندنی چاڵەكە موسڵمانان زۆر برسی و ماندوو بوون هێزو توانا و مەعنەویان دەڕوخا بەتایبەت دوو ڕووەكان پاگەندەی زیاد لە حەدیان دەكرد بۆ ئەوەی باوەڕداران هەڵ بێن.
لەو كاتە ناسكەدا بەردێكی زۆر گەورە و سەخت زۆر ئازاری موسڵمانانی دا نە ئەوە بوو بتوانن بیشكێنن، وەنە ئەوەبوو بتوانن هەڵی بكەنن و لە جێی خۆی لایدەن، بۆیە ئەم باسەیان بردە خزمەت پێغەمبەر(صلى الله عليه وسلم) سەیریان كرد پێغەمبەر(صلى الله عليه وسلم) لەبرسا بەردی لەزگ و گەدەی بەستووە بەپشتێن!!
كاتێ‌ ئەمەی زانی كەو ئەو بەردە ئەوانی هیلاك كردووە داوای پاچێك یان هەرشتێكی كرد كە ئەوان كاری لەسەر دەكەن بۆ هەڵ كۆڵین. دەستی دایە و فەرمووی: (بسم الله) بە ناوی خودا پارچەیەكی گەورەی لێ‌ بۆوە، پێغەمبەر(صلى الله عليه وسلم) فەرمووی: (الله أكبر) گەورەیی هەر بۆ خودایە (أبشروا فتحت كیسری)(*).
واتە: مژدەتان پێ‌ دەدەم بەئێوە كە موڵكی كیسری دەكەوێتە ژێر دەستی ئێوە؟!!!.
لە پاشان جارێكی تر لەبەردەكەیدا بەردەكە پارچە پارچە بوو فەرمووی: (الله اكبر فتحت كنوز قیصر).
گەورەیی هەر بۆ خودایە سامان و قەسری قەیسەر دەكەوێتە ژێر دەستی موسڵمان!! ئەم پەیمان و مژدانەی پێغەمبەر(صلى الله عليه وسلم) لەكەی فەرموویەتی؟!لەو پەڕی لاوازی وهەژاری و هی تر..قورئان تۆماری كردووە دەفەرمووێت: [وَبَلَغَتِ الْقُلُوبُ الْحَنَاجِرَ وَتَظُنُّونَ بِاللَّهِ الظُّنُونَا] )الأحزاب: 10(.
واتە: ئێوە دڵەكانتان هاتبووە ناو قوڕگە كانتانەوە گومانی جۆراو جۆرتان بەخودا دەبرد.
بەڵێ‌ چەند ساڵانێكی كەم بوو هەردوو ئیمپراتۆرێتی زل هێزی ئەو زەمانەیە كەوتنە ژێر دەستی موسڵمانان (كە بریتی بوون لە ئیمپراتۆری ساسانی كەتەمەنی، ئەم ئیمپراتۆریە زیاتر لە هەزار ساڵ بوو!!!
وە ئیمپراتۆری بێزەنتینی (البزنطنية) كە تەمەنی زیاتر لە (700) ساڵا بوو، بە ماوەیەكی قیاسی زۆر كەم كەوتە ژێر دەسەڵاتی موسڵمانەوە لەنێوان پەنجا ساڵ تا شەست ساڵ لە كۆچی پێغەمبەر (صلى الله عليه وسلم) بۆ مەدینە !!!
4- پێغەمبەر دەفەرمووێت:(إن الله زوى لي الأرض فرأيت مشارقها ومغربها وإن ملك أمتي سيبلغ مازوى لي منها) (سلسلة الأحاديث الصحيحة: 1/32).  
واتە: خودای گەورە زەوی بۆ نزیك كردمەوە هەتا بینیم خۆرهەڵات و خۆرنیشی زەوی، بەدڵنیایی یەوە، پێتان دەڵێم سەروەت و سامان و موڵكی ئوممەتی من دەگاتە ڕۆژ هەڵات و ڕۆژئاوا.
بێ‌ گومان ئیسلام گەیشتە روسیا و ئەورپا و ئەندەلوس واسپانیا گەیشتە نیوەكەی تری جیهان كە بریتی بوو لە چین ئیمپراتۆری چین سەرانەی بۆ موسڵمانان دەنارد بەرامبەر ئەوەی كەلەسەر خۆیان بمێنێتەوە ئەمە هێشتا كەمتر بوو لەسەد ساڵ دوای كۆچی پێغەمبەر !!!
5- عەبدولڵای كوڕی عومەری كوڕی خەتتاب (رضي الله عنه) دەڵێت: ئێمە لەخزمەت پێغەمبەردا(صلى الله عليه وسلم) بووین لێیان پرسی كام دوو شارە لە پێش ئەوی تریان دێتە باوەشی ئیسلام؟ (أي المدينتين  تفتح أولا القسطنطينية او رومية؟ فقال(صلى الله عليه وسلم) مدينة هرقل تفتح أولاً يعني قسطنطينية) (سلسلة الأحاديث الصحيحة: 1/32).
فەرمووی شاری قەیسر واتە قستەنتینیە بۆیە یاوەرانی پێغەمبەر(صلى الله عليه وسلم) زۆر خۆشحاڵ بوون بۆ ئەوەی بەشداری ئەو خێرە بن كە شاری قەیسەر دەكەوێتە ژێر دەستی موسڵمانان بۆیە كۆمەڵێكی زۆر لەخواناسان وكۆشش كاران بۆ بەرزكردنەوەی ئاڵای ئیسلام لەوێ‌ بەڕێكەوتن بۆ ئەوەی سەركەوتن بەدەست بهێنن بەتایبەتی فەرموودەی تری پێغەمبەر (صلى الله عليه وسلم) هەیە كە دەفەرمووێت: (نعم الأمير أميرها ونعم الجيش جيشها) رواه أحمد، وضعفه الشيخ الألباني في: (ضعيف الجامع الصغير، رقم: 4655)، و(سلسلة الأحاديث الضعيفة: 2/ 268).
واتە: باشترین گەورەو سەركردە سەركردەی ئەو لەشكرەیە، باشترین لەشكریش ئەو لەشكرەیە كە ئەوێ‌ رزگار دەكات.
بەڵام پاش شەرو پیادانێكی زۆر لەیاوەران و تێكۆشەران گیانیان لەدەست دا.
ئەبوو ئەیوبی ئەنساریش لەوێ‌ مردو هەر لەنزیكیانەوە ناشتیان.
هەر ناو بەناو موسڵمانان خۆیان كۆ دەكردەوە ودەچوون بۆ ئەوەی سەركەوتن بەدەست بهێنن بەڵام دەگەڕانەوە یان دەكوژران ئەم جەنگانە نزیكەی (700) حەوت ساڵی ڕەبەقی خایاند ئەو موسڵمانانەی بەهێزو بازوویەكی ئیمانی و ماددیەوە لە ژێر ئاڵای محمد فاتح دا هاتن بەرەو شاری قستەنتینیە.
پاش ئەوەی شەڕ كرا توانرا بۆ دوا جار ڕزگار بكرێت.
لە ساڵی (1452)ی زاینی كە دەكاتە 857 كۆچی پێغەمبەر(صلى الله عليه وسلم) ئەم مژدەیەی پێغەمبەر هاتە جێ‌ !!!بەڵام ئەوەی جێی سەرنجە فەرموودەكەی بەشێكی تری ماوە كە هێشتا نەهاتۆتە جێ‌ و هێشتا موسڵمانان تائێستاش نەگەیشتوونەتە ئەو ئاستەی بتوانن ئەوێش رزگار كەن كە بریتیە لە رۆما؟!!!
بەڵام ئەوەی جێی دڵنیایی هەر موسڵمانێكە ئەوەیە ئەبێت ئەوەش بێتە جێ‌ بەڵام كەی و چۆن و بەكێ‌ ئەوە خودا دەزانێ‌؟!!!
كەنیسەی ئەوروپا و رۆما
چاك ئاگایان لەو فەرموودەیە هەیە كە پێغەمبەر وەعدی فەرمووە، چونكە ئەوانیش دەزانن كە پێغەمبەر(صلى الله عليه وسلم) ڕاستە وەك خوای گەورە دەفەرموێت:
[يَعْرِفُونَهُ كَمَا يَعْرِفُونَ أَبْنَاءَهُمْ] (البقرة: 146).
واتە: ئەوان پێغەمبەر (صلى الله عليه وسلم)دەناسن وەك منداڵەكانی خۆیان دەناسن.
6-مژدەیەكی تری پێغەمبەر(صلى الله عليه وسلم) دەفەرمووێت:(ليتمن هذا الأمر مابلغ الليل والنهار، ومايترك الله بيت مدر ولا وبر إلا وأدخله هذا الدين بعز عزيز او ذل ذليل) (سلسلة الأحاديث الصحيحة: 1/32).  
واتە: ئەم ئیسلامە دەگاتە ئەو جێ‌ گەیەی كە شەو وڕۆژی پێ‌ گەیشتبێ‌، هیچ ماڵێك بەجێ‌ ناهێڵی چ لە قوڕ دروست كرابێ‌ یان لە خێوەت واتە: لە موو و خوری دروست كرابێ‌ ئەم ئایینەی دەچێتێ‌ ئینجا یان بە هۆی ئازایی و لیهاتوویی تێ‌ كۆشەران كە دەبنە خاوەن دەسەڵات؟!!
یا بەهۆی كەمی و بێ‌ نرخی ئەوانەوە كە بێ‌ دەسەڵاتە ؟!!
بەیەكێك لەم دوو هۆكارە ئەبێ‌ ئیسلام رێزو كەرامەت و حورمەتی بۆ بگەڕێتەوە، بێ‌ بڕوایانیش زەلیل و بێ‌ دەسەڵات ببەنەوە.
ئەوەی لەم فەرموودەیە وەردەگیرێ‌ ئەوەیە:
*ئەگەر موسڵمانان خۆیان بەهێزو بازو توانا بوون لە هەموو روویەكەوە ئەوا خودا سەركەوتن دەنێرێ‌.
*ئەگەر نا ئەو كات خودا بەهۆی كەسێك لە كافران كەسووك وچرۆكە كارێ‌ دەكات ئیسلام دەبێتەوە خاوەن كەرامەتی جاران.
وصلى الله على نبينا محمد وعلى آله وصحبه وسلم.
===========================
(*) فەرموودەكە بەم شێوەیەیە: (بسم الله، الله أكبر أعطيت مفاتح الشام، والله إني لأنظر قصورها الحمر الساعة)، الله أكبر أعطيت فارس، والله إنى لأبصر قصر المدائن الأبيض الآن)، (بسم الله، الله أكبر، أعطيت مفاتح اليمن، والله إني لأبصر أبواب صنعاء من مكاني) سنن النسائي وأحمد في مسنده.

www.ba8.org

بینێرە بۆ هاوڕێکەت
چاپکردن
ستایڵ
  • قەبارەی فۆنت
    • گەورەکردن:
    • zoomin
    • بچوک کردنەوە:
    • zoomout
  • جۆری فۆنت
    • ههەڵبژاردن:
  • ڕەنگی فۆنت
    • هەڵبژاردن:
  • بنەڕەتی کردنەوە
    • بنەرەتی
ڕێکلام