[نوێژی نه‌خۆش] : هه‌ركه‌سێك مه‌عزه‌ره‌تێكی بۆ هاته‌ پێش له‌ نه‌خۆشی و شتی تر كه‌ نه‌یتووانی به‌پێوه‌ بووه‌ستێت له‌نوێژه‌ فه‌رِزه‌كاندا، دروسته‌ بۆی به‌دانیشتنه‌وه‌ نوێژ بكات، وه‌ ئه‌گه‌ر توانای دانیشتنی نه‌بوو له‌سه‌ر ته‌نیشت رِكوع و سجووده‌كه‌ی به‌ئیشاره‌ت بكات، وه‌ سه‌جده‌كه‌ی زیاتر نزم بكاته‌وه‌ له‌ ركوعه‌كه‌ی.
[نوێژی ترس] : زانایان له‌سه‌ر مه‌شروعی‌یه‌تی نوێژی ترس رِێك كه‌وتوون، به‌پێى فه‌رمووده‌ی خوای گه‌وره‌ كه‌ فه‌رموویه‌تی: [ ئه‌گه‌ر كاتی جه‌نگ دژی بێ برِواكان ترس له‌ناودا بوو، ئه‌گه‌ر تۆ له‌ناو كۆمه‌ڵه‌كه‌تدا بوویت ـ له‌ گۆرِه‌پانی جه‌نگدا ـ ویستت نوێژیان به جه‌ماعه‌ت پێ بكه‌ی بیان كه‌ به‌ دوو ده‌سته‌وه‌، جا ده‌سته‌یه‌كیان له‌گه‌ڵتا بن جا چه‌كه‌كانیشیان هه‌ڵگرن، وه‌ كاتێ سه‌جده‌یان برد له‌گه‌ڵتا با ده‌سته‌ی دووه‌م له‌دوواتانه‌وه‌ بن بۆ پاسه‌وانی كردنتان، وه‌ ده‌سته‌ی یه‌كه‌م رِكاتی ته‌واو ئه‌كه‌ن و سه‌لام ئه‌ده‌نه‌وه‌، پاشان ئه‌و ده‌سته‌ی دووه‌مه‌ كه‌ نوێژیان نه‌كردووه‌ با بێن له‌گه‌ڵتا نوێژ بكه‌ن....]