ماڵپەری بەهەشت

بەشە سەرەکیەکان
پرسیار و وەڵامی شەرعی
ئاماری ماڵپەڕ




ڕێکلام
بەرنامەیەكى كردارى بۆ چێژى خواپەرستى

كاتێك لەبلال (رضي الله عنه) پرسى یان: هۆكارى ئارام گرتنت (صبر) لەباوەڕ، سەرەڕاى ئەو هەموو ئازارو ئەشكەنجە سەختە وەفڕێ دانت لەسەر زەوى مەككە؟ ئەویش ووتە بەناوبانگەكەى ووت: ((مزجت مرارة العذاب بحلاوة الإيمان))، واتە: تاڵى و ناخۆشى سزام تێكەڵ بەشیرینى باوەڕ كرد، شیرینى باوەڕ هەڵچوو و سەركەوت.
# ئەمە زیاتر بابەتێكى كردارى یە ئەگینا بیردۆزى بەكەڵك و بەسوودى لێ بەدەست ناهێنیت ئەگەر بەجەخت لەسەركراوى و سووربوونەوە ئەنجامى نەدەى.
# مەرجەكانى سەركەوتنى ئەم بەرنامەیە:
* هەست كردن بەپێویستى ئەم بەرنامەیە.
* دڵسۆزى (ئەگەر دەتەوێت دڵسۆز بیت لەخۆت بپرسە: بۆچى ئەم كارە دەكەم؟ بۆ ئەوە نى یە كەبەهەشت بەدەست بێنم و ڕزگارم بێت. وە ئەوەى یارمەتیدەرە بۆ دڵسۆزى خوێندنەوەى سیفاتى بەهەشت و دۆزەخ و ناسینەوەى ناوو سیفەتەكانى پەروەردگار. وەبزانیت كەزەرەرو قازانج بەدەستى خوایە وەخەڵك هیچ زەرەرو قازانجى نى یە بۆت.
* ئارام گرتن و تێكۆشان (الصبر والمجاهدة‌): خواى گەورە دەفەرموێ: [ إِنَّمَا يُوَفَّى الصَّابِرُونَ أَجْرَهُم بِغَيْرِ حِسَابٍ] (سورة الزمر: 10)، واتە: پاداشتى ئارامگران بەبێ حیساب دەدرێتەوە. وەخواى گەورە دەفەرموێ: [ وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ] (سورة العنكبوت: 69)، واتە: وە ئەوانەى كەلەپێناومدا تێكۆشان، هیدایەتیان دەدەم بۆ ڕێگاى ڕاست وەخوا لەگەڵ چاكەكارانە.
* چاوەڕوانى پاداشت: واتە هەر كارێكى چاك كەئەنجامى دەدەى چاوەڕوانى پاداشتى دنیایى لێ نەكەیت بەڵكو تەنها چاوەڕوانى پاداشتى خوا بكەیت.
* نزا كردن (الدعاء).
# بەرنامەى كردارى بۆ چێژ وەرگرتن لەخواپەرستى:
ئەم بەرنامەیە نزمترین ئاستەو تا زۆرتر كارى تێدا بكەیت باشترە:
1ـ ڕۆژووگرتن لەهەموو مانگێكدا، سێ ڕۆژى ناوەڕاستى هەر مانگێكى عەرەبى لەگەڵ شەش ڕۆژى شەوال و ڕۆژى عەرەفەو عاشورا.
2ـ خەتم كردنى قورئان هەموو مانگێك، باشترین ڕێگا ئەوەیە پێش هەموو نوێژێك چوار لاپەڕە، بەم شێوەیە ڕۆژى جوزئێك تەواو دەكەیت و هەموو مانگێك خەتمەیەك دەكەیت.
3ـ زوو بەدەم چوونەوەى نوێژەكان.
ئەگەر گوێت لەبانگدەر بوو ووتى (حي على الصلاة‌) وەدەرچوویت بۆ مزگەوت، یانى زوو دورچوویت و دوانەكەوتى.
سوودەكانى زوو بەدەم چوونەوەى نوێژەكان:
گەشتن بە(تكبیرى احرام)، بەمەش دوو سەرفرازیت بۆ دەنووسرێت وەك لەم فەرموودەدا هاتووە: ((من أدرك تكبيره الاحرام مع الإمام أربعين يوما كتبت له براءتان براءة من النفاق وبراءة من النار))، واتە: هەركەسێ چل ڕۆژ بەسەریەكەوە گەشتە قامەت دابەستن لەگەڵ ئیمامدا دوو سەرفرازى بۆ دەنووسرێت. سەرفرازییەك لەدووڕوویى (النفاق) وە سەرفرازییەك لەئاگر.
* فریشتەكان دوعاى لێخۆش بوونت بۆ دەكەن.
* قەد نوێژى جەماعەتت بەسەرناچێ.
* هۆكارێكە بۆ پەیوەست بوونى دڵ بەمزگەوتەوە.
* لەكاتى دانیشتن تا دەرچوونت لەمزگەوت پاداشتت بۆ دەنووسرێت.
4ـ پارێزگارى كردن لەنوێژە سوننەتەكان (دوو ڕكات پێش نوێژى بەیانى، چوار پێش نوێژى نیوەڕۆ، دوو ڕكات پاش نوێژى مەغریب و دوو ڕكات دواى نوێژى عیشا). لەفەرموودەیەكدا كەعائیشە (ڕەزاى خواى لێ بێت) دەیگێڕێتەوە، كەپێغەمبەر صلى الله عليه وسلم دەفەرموێ: ((من صلى الله أثنتي عشرة ركعة من غير الفريضة بني الله له بيتا في الجنة))، واتە: هەركەس جگە لەنوێژە فەرزەكان لەشەوو ڕۆژێكدا دوازدە ڕكات نوێژى سوننەت بكات ئەوا خوا ماڵێكى لەبەهەشتدا بۆ دروست دەكات.
5ـ پارێزگارى كردن لەدوو ڕكات نوێژى چێشتەنگاو (ضحى) كەپێى دەڵێن (صلاة الأوابين (الرجاعين من الذنوب))، واتە: ئەوانەى لەتاوان دەگەڕێنەوە وەتەوبە دەكەن، وە لەفەرموودەیەكدا هاتووە: ((كل سلامى من الناس عليه صدقة....))، واتە: هەموو جومگەیەك لەجومگەكانى مرۆڤ بەخشندەیى و خێرى لەسەرە. وە لەفەرموودەیەكى تردا هاتووە كەبەخشندەیىیەكەى نوێژى چێشتەنگاو (ضحى)یە، وە ئەوەى جێگاى سەرسوڕمانە كەپزیشكانیش ئەمەیان سەلماندووە.
وە لەكاتى بەرزبوونەوەى خۆر بەقەدەر ڕمحێك دەست پێ دەكات (واتە چارەك سەعاتێك پاش خۆرهەڵهاتن تا سێ چارەك پێش نوێژى نیوەڕۆ).
6ـ هەوڵ بدە لەشت پاك و خاوێن بێت، ئەزانى بۆ؟
وەڵام: چونكە یارمەتیدەرە بۆ ئەنجامدانى كردەوەى چاك و دوورخستنەوەیە لەشەیتان و تەمەڵى.
7ـ پارێزگارى كردن لەدوو ڕكات سوننەتى دەست نوێژ، وە پاداشتى لەم فەرموودەیەى پێغەمبەر صلى الله عليه وسلم دەردەكەوێت كاتێك بەبلال دەڵێت: ((إني سمعت قرع نعليك في الجنة))، واتە: گوێم لەدەنگى نەعلەكانت بوو لەبەهەشتدا، وەپێغەمبەر صلى الله عليه وسلم ڕوونى كردەوە كەهۆكەى ئەوەیە هەركات دەست نوێژى بگردایە نوێژى لەدواى دەكرد.
پ/ ئایا دوو ڕكاتى دەست نوێژ لەكاتى نەهیدا دەكرێت؟
و/ ئەگەر بەبەردەوامى بیكات ئەوا بۆى نەهى نىیە.
8ـ با هەموو كات زمانت پاراو بێت بەزیكرى خوا بەتایبەتى زیكرەكانى (بەیانیان و ئێواران، كاتى خەوتن، ڕۆشتن و دەرچوون لەمزكەوت،و ئەوانى دى..) وە بەردەوام داواى لێخۆش بوون بكە، وەگەورەترین و باشترین زیكر قورئان خوێندنە.
9ـ هەموو شەوێك پێش خەوتن دوو ڕكات نوێژ بكە بەنیەتى ئەوەى كەشەو نوێژە.
10ـ داواى فێربوونى زانست بكە، وەك: لەبەركردنى قورئان و ڕۆشتن بۆ وانەو موحازەرە ئایینى یەكان، وە خوێندنەوەى كتێبى ئایینى بەسوود، وە تۆماركردنى سوودەكانى لەپەرتووكێكدا لەپاش خوێندنەوەى.
11ـ پارێزگارى كردن لەنوێژى بەیانى و دوانەخستنى لەكاتى خۆى وەهەروەها نوێژى ووتر.
12ـ خێركردن (صدقە) ڕۆژانە یان هەفتانە، هەرچەند بڕى پارەكە كەمیش بێت، چونكە ئەگەر ڕۆژانە خێربكەى ئەوا فریشتەیەك هەموو ڕۆژێك دوعات بۆ دەكا، وە بەردەوامىیە بۆ كارى خێر،و هۆیەكە بۆ لەزەت وەرگرتن لەخواپەرستى.
13ـ شەوان پێش خەوتن موحاسەبەى خۆت بكە، دەزانى موحاسەبە چۆن دەبێت؟
وەڵام/ بەم شێوەیە: ئایا چ زانستێك فێربووم ئەمڕۆ؟ ئایا خواپەرستیم بەتەواوى ئەنجامدا؟ ئایا ئەمڕۆ چ تاوانێكم كردووە تا تۆبە بكەم و بگەڕێمەوە؟ باشە لەبەر چى كەمو كورتى و كەمتەرخەمیم كردووە لەئەنجامدانى كردەوەى چاك؟
14ـ بەردەوام تۆبە بكەو بگەڕێرەوە بۆ لاى خوا، پێغەمبەر صلى الله عليه وسلم دەفەرموێ: ((إني لأستغفر الله وأتوب إليه في اليوم والليلة أكثر من سبعين مرة))، واتە: من لەشەوو ڕۆژێكدا زیاتر لەحەفتا جار تەوبە دەكەم و داواى لێخۆش بوون لەخوا دەكەم.
15ـ بیركردنەوە.. خواى گەورە دەفەرموێ: [ الَّذِينَ يَذْكُرُونَ اللّهَ قِيَامًا وَقُعُودًا وَعَلَىَ جُنُوبِهِمْ وَيَتَفَكَّرُونَ فِي خَلْقِ السَّمَاوَاتِ وَالأَرْضِ رَبَّنَا مَا خَلَقْتَ هَذا بَاطِلاً سُبْحَانَكَ فَقِنَا عَذَابَ النَّارِ] (سورة آل عمران: 191)، واتە: ئەوانەى كە بەڕاوەستاوى و دانیشتن و ڕاكشانەوە زیكرى خوا دەكەن و بیر لەدروست كردنى ئاسمانەكان و زەوى دەكەنەوە، ئەى پەروەردگارمان تۆ ئەمەت لەهیچ و خۆڕا دروست نەكردووە، پاك و بێگەردى هەر بۆ تۆیە وەبمان پارێزە لەئاگر.
16ـ دڵت خاوێن بكەرەوە لەڕق و كینەو بەخیلى و....
17ـ بانگەوازكردنى خەڵك بۆ لاى پەروەردگار.
18ـ وازهێنان لەتاوان و سەرپێچى لەپێناوى پەروەردگاردا.
19ـ گوێڕایەڵى كردنى دایك و باوك.
20ـ پەیوەندى خزمایەتى (صلة الرحم)، سەردانى خزم و كەس و كار لەپێناوى خوادا.

www.ba8.org

بینێرە بۆ هاوڕێکەت
چاپکردن
ستایڵ
  • قەبارەی فۆنت
    • گەورەکردن:
    • zoomin
    • بچوک کردنەوە:
    • zoomout
  • جۆری فۆنت
    • ههەڵبژاردن:
  • ڕەنگی فۆنت
    • هەڵبژاردن:
  • بنەڕەتی کردنەوە
    • بنەرەتی
ڕێکلام