ماڵپەری بەهەشت

بەشە سەرەکیەکان
پرسیار و وەڵامی شەرعی
ئاماری ماڵپەڕ




ڕێکلام
نامەیەیكی گرنگ بۆ ئافرەتانی موسڵمان

بۆ ئەو خوشكانەم: كە نایانەوێت هەڵخەڵەتاوى ئەو كەسانە بن كە بەناوى مافەكانیانەوە ئەیانەوێ پۆشاكى حیشمەتیان لەبەر فڕێدەن، نەك لەبەر خاترى ئافرەتان بەڵكو بۆ تێركردنی ئارەزووە گڵاوەكانیان، بۆ ئەوەى لە كۆتاییدا تۆى بەرێز وەكو گوڵێكى گەلاَ هەڵوەریو بەجێبهێڵن ! دواى ئەوەى وەكو بوكە شوشەى منداڵان یارى خۆیانى پێ دەكەن !!!
خوشكەكەم: ئەمە گوڵێكە لەباخى برایەتى هەڵم بژاردووە، هاندەرى نوسین وویستنى خێر و خۆشبەختى بۆ تۆى گەوهەرى بەنرخ و خۆپارێز، بەڵكو جێگەى بایەخدانى تۆى بەرێز بێ.
پابەندنەبوون بە پۆشاكى شەرعى یەوە: لەو سەرپێچیانەى لە كچاندایە پەیرەو نەكردنی پۆشاكى شەرعى و پشت گوێ خستنى ئەو مەرجانەى تەواوكەرى باڵاپۆشین... وە ئاشكرایە كە باڵاپۆشى خوا فەرزى كردووە لەسەر ئافرەتى موسڵمان، وە مەرجەكانى روون كردۆتەوە بۆ ئەوەى بناسرێت و جیاواز بێت لەو جل و بەرگانەى پێچەوانەى شەرم و رەوشت وجوانین وهۆى بەد رەفتاى وتاوانن...
خواى گەورە دەفەرموێ [ يا أيها النبىُ قُلْ لأزوَاجِك وَبَناتِكَ وَنِسَاء المُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ذَلِكَ أَدْنَى أَنْ يُعْرَفْنَ فَلَا يُؤْذْينَ وَكَانَ اللَّهُ غَفُورًا رحِيمًا] (سورة الأحزاب: 59)، واتا ئەى پێغەمبەر صلى الله عليه وسلم بە خێزانەكانت و كچەكانت و ئافرەتانى باوەڕدار بڵىَ با عاباكانیان بدەن بەسەر سەرو لەشیاندا چونكە پارێزراوترە پێى دەناسرێن و ئازار نادرێن وە خوا بە بەزەیى ولێبوردەیە.
وە بیرت نەچێ ئەى خوشكە بەرێزەكەم ئەو هەڕەشە توند و تیژەى كە پێغەمبەر صلى الله عليه وسلم هەواڵى پێ داوە بۆ ئەو كەسانەى كە كەمتەرخەمى لە باڵاپۆشى دەكەن دەڵێت: " صنفان من أهل النارلم أراهما: قوم معهم سياط كأذناب البقريضربون بها الناس، ونساء كاسيات عاريات، مميلات مائلات رؤوسهن كأسمة البخت المائلة، لايدخلن الجنة ولا يجدن ريحها وإن ريحها ليوجد من مسيرة كذا و كذا " (رواه مسلم)، واتە: دوو جۆر دۆزەخى هەن من نەمبینیون: كۆمەڵە كەسانێك قامچیان پێیە وەك كلكى مانگا وایە پێى دەدەن لە خەڵكى، وە كۆمەڵە ئافرەتانێك داپۆشراون وە لە هەمان كاتیشدا رووتن، وە بە لارو لەنجە بەرێدا دەرۆن و سەرنجى خەڵك بۆ لاى خۆیان رادەكێشن، وە سەریان وەكو سەر پشتى وشتر وایە، ئەم دوو كۆمەڵە ناچنە بەهەشتەوە بەڵكو بۆنیشى ناكەن كە بۆنى لە دوورى ئەوەندە و ئەوەندە دێ.
لە كۆتاییشدا دەڵێم: خوشكەكەم بگەڕێوە بۆ لاى پەروەردگارى خۆت نەكەى ببى بە یەكێك لە قوربانیەكانى شەیتان، و بتكا بەهۆى لەخشتە بردنى كەسانى تر، مردن و ئازارەكانی گیان كێشان و تاریكى ناو گۆر لەیاد نەكەیت، بەردەوام یادى دوا رۆژ بكەرەوە چەند سەختە، بیر لەوەش بكەرەوە كە دەبێ بەسەر پردى صیراتدا ڕەتبى، رۆژێكیش دێت كە نامەى كردەوەكان دەدرێنە دەستمان جا هاوار بۆ ئەو كەسەى دەدرێتە دەستى چەپى، وە پەشیمانى وگریان لەو شوێنە دا فریات ناكەوێ، وە دەستى زەلیلى بۆ لاى خواى بەخشندە بەرز دەكەمەوە لە تاوانەكانمان خۆشبێ وە رێگاى راستمان نیشان بدا.
سەرچاوە (چەپكە گوڵێك لە باخچەكانى ئامۆژگارى بۆ خوشكان).
داستان صابر

www.ba8.org

بینێرە بۆ هاوڕێکەت
چاپکردن
ستایڵ
  • قەبارەی فۆنت
    • گەورەکردن:
    • zoomin
    • بچوک کردنەوە:
    • zoomout
  • جۆری فۆنت
    • ههەڵبژاردن:
  • ڕەنگی فۆنت
    • هەڵبژاردن:
  • بنەڕەتی کردنەوە
    • بنەرەتی
ڕێکلام