ماڵپەری بەهەشت

بەشە سەرەکیەکان
پرسیار و وەڵامی شەرعی
ئاماری ماڵپەڕ




ڕێکلام
سۆز و بەزەیی پێویستە بۆ منداڵ بنوێندرێ

پێغەمبەرصلى الله عليه وسلم دەفەرموێ: ((والراحمون يرحمهم الرحمن، ارحموا من في الأرض يرحمكم من في السماء)). رواه أبوداود والترمذي (حديث صحيح)
واتە: ئەو كەسانەی بە بەزەیین، خوای بەخشندە رەحمیان پێ دەكات، كەواتە بە بەزەیی بن لەگەڵ هەرچى یەك هەیە لە سەر زەوی، ئەو كاتە ئەوەی كە لە ئاسمان دایە رەحمتان پێ دەكات.
ئەنەس گوتویەتی:((ما رأيت أحداً كان أرحم بالعيال من رسول الله صلى الله عليه وسلم)). رواه مسلم
واتە: كەسم وەك پێغەمبەری خوا نەبینیوە بۆ منداڵ بەرەحم تر بێ.
((وكان من وصاياه صلى الله عليه وسلم لقواده: أغزوا باسم الله... ولا تقتلوا وليداً)). رواه مسلم
واتە: لە راسپاردەكانی پێغەمبەر بۆ سەركردەی سوپاكانی دەیفەرمو: بە ناوی خوا جهاد بكەن و بجەنگن... منداڵ مەكوژن.
ئەم پەروەردە بەرزەی پێغەمبەرصلى الله عليه وسلم كاریگەرى یەكی گەورە و زۆری كردبوە سەر دڵ و دەرونی هاوەڵە بەڕێزەكانی. بە نمونە: عومەری كوڕی خەتتاب -رەزای خوای لێ بێ- پیاوێك لە بەنی ئەسەدی بۆ كارێك راسپارد، كە بیكات، پیاوەكە هاتە لای تا پەیمانی سەر راستى یەتی كارەكەی وەرگرێ، لەو كاتەدا عومەر هەندێ لە منداڵەكانی ماچ كرد. پیاوەكەش گوتی: ئەی گەورەی مسوڵمانان ئەوە ماچیان دەكەی، بە خوا من تا ئێستا هیچ منداڵێكم ماچ نەكردوە! عومەر گوتی: كەواتە تۆ زۆر بێ رەحمی، مادام وایە كارەكەمان بدەوە و هیچ كارێكمان بۆ مەكە!.
ئوسامەی كوڕی زەیدی كوڕی حاریسە گوتویەتی:((كان رسول الله صلى الله عليه وسلم يأخذني فيقعدني على فخذه، ويقعد الحسن على فخذه الآخر ثم يضمهما ويقول "اللهم ارحمهما فإني أرحمهما")). رواه البخاري
واتە: پێغەمبەری خوا منی لەسەر ڕانی خۆی دادەنیشاند، حەسەنیشى لەسەر رانەكەی تری دادەنیشاند، پاشان بە سینگى خۆیەوەى دەنوساندین و دەیفەرمو: خوایە رەحمیان پێ بكەی لەبەر ئەوەی من بە بەزەییم لەگەڵیان.
ئیبن مەسعود گوتویەتی: ((ضربت غلاماً بالسوط، فسمعت صوتاً من خلفي. فإذا برسول الله صلى الله عليه وسلم يقول: اعلم يا أبا مسعود إن الله أقدر عليك منك على هذا الغلام)). رواه مسلم
واتە: بە قامچى یەك لە منداڵێكم دا، جا لە دواوەم گوێم لە دەنگێ بو، كە دەبینم پێغەمبەری خوایە دەفەرموێ: ئەی ئەبو مەسعود، بزانە خوای گەورە لەسەر تۆ بە تواناترە لەتواناى تۆ لەسەر ئەو منداڵە.
((وكان صلى الله عليه وسلم يقول للخادم: ألك حاجة؟!)). رواه البخاري
واتە: پێغەمبەری خوا بە خزمەتكارەكەی دەفەرمو: چیت پێویست نى یە؟
((وكان رسول الله صلى الله عليه وسلم يزور الأنصار، فإذا جاء دور الأنصار، جاء صبيان الأنصار يدورون حوله. فيدعوا لهم ويمسح رؤوسهم ويسلم عليهم: الحديث)). رواه أحمد في المسند وغيره وسنده صحيح
واتە: پێغەمبەری خوا صلى الله عليه وسلم سەردانی ئەنصارەكانی دەكرد، كاتێك كە دەهاتە گەڕەكى ئەنصارەكان، منداڵە ئەنێارىیەكان، دەوری پێغەمبەریان دەدا، پێغەمبەریش دوعای خێری بۆ دەكردن و دەستی بەسەریان دا دەهێنا و سڵاوی لێ دەكردن.
خەلیفە عومەرى كوڕى خەتتاب كارێكى سپارد بە پیاوێكى بەنى ئەسەد، جا كابرا هات پەیمانى كارەكەى وەرگرێ، جا هەندێ منداڵى عومەر هاتن و عومەریش ماچى كردن، كابراى ئەسەدى گوتى: ئەمیرى بڕواداران! ئەوە ماچیان دەكەى؟! بەخوا هەرگیز منداڵم ماچ نەكردوە! عومەر گوتى: تۆ زۆر بێ ڕەحمى! پەیمانەكەمان بدەوە، بەخوا هیچ كارێكت پێ ناسپێرین!
لەم چەند فەرمودەیەدا ئەوەمان بۆ دەرئەكەوێ، كە پێغەمبەری خوا چەندە بەرەحم بوە لەگەڵ منداڵ دا. ئەوەش شایستەی ئەوەیە و هاندەرە بۆ باوكان، تا سودی لێ وەرگرن و پەیڕەوی بكەن، چونكە زۆربەی باوكان -بە داخەوە- بە خراپی رەفتار و مامەڵە لەگەڵ منداڵەكانیان دەكەن، لەسەر چەند شتێكی بێ هودە، بە بێ بەزەییانە لە منداڵەكانیان دەدەن. تەنانەت لە گەمە و یاری كردنیشیان دەكەن و كەمترین سەربەستیان پێ نادەن و ئیهانەیان دەكەن و سەركۆنەیان دەكەن.
ئەم كارەش كاردانەوەی لێ دروست دەبێ و دەبێتە هۆی ئاكام و سەرنجامێكی خراپ، و كاریش دەكاتە سەر كەسایەتی منداڵەكە بە رادەیەكی وا، كە لەوانەیە وەك شێت رەفتار بكات و لە ژیاندا سەركەوتو نەبێت.
هەروەها ئەوەشمان بۆ دەردەكەوێ، كە پێغەمبەر صلى الله عليه وسلم سۆز و نازی داوەتە منداڵان، بەباشی مامەڵە و رەفتاری لەگەڵ كردون، ئیتر بە ئومێدی پەند و وانە و ئامۆژگاری لەوەی كە باس كران.

www.ba8.org

بینێرە بۆ هاوڕێکەت
چاپکردن
ستایڵ
  • قەبارەی فۆنت
    • گەورەکردن:
    • zoomin
    • بچوک کردنەوە:
    • zoomout
  • جۆری فۆنت
    • ههەڵبژاردن:
  • ڕەنگی فۆنت
    • هەڵبژاردن:
  • بنەڕەتی کردنەوە
    • بنەرەتی
ڕێکلام