ماڵپەری بەهەشت

بەشە سەرەکیەکان
پرسیار و وەڵامی شەرعی
ئاماری ماڵپەڕ




ڕێکلام
سور بونی ئیسلام بۆ پارێزگار كردنی تەندروستى ئافرەت و منداڵەكەی بە نەگرتنى ڕۆژو

خوای گەورە دەفەرموێ:
[وَعَلَى الَّذِينَ يُطِيقُونَهُ فِدْيَةٌ طَعَامُ مِسْكِينٍ] البقرة: 184
واتە: ئەو كەسانەی ناتوانن رۆژو بگرن لە سەریانە فدیە بدەن، كە نان دانی هەژارانە.
ئەبو داود لە عیكرەمەی وەرگرتوە، كە ئیبن عەبباس دەربارەی فەرمودەی خوای گەورە [وَعَلَى الَّذِينَ يُطِيقُونَهُ] گوتویەتی: ئەم روخسەت و رێگەدانی رۆژو نەگرتنە، بۆ بەساڵاچو و پیرە و بۆ ئافرەتی بەتەمەنە. كە لە بری هەر رۆژێك هەژارێك نان بدەن. ئافرەتی سك پڕ و شیردەر، گەر لە خۆیان، یان لە منداڵەكەیان بترسن، كە بە بەرۆژوبون توشی مەترسی دەبن، ئەوا بۆیان هەیە بەرۆژو نەبن و فدیە بدەن، كە تێر كردنی یەك هەژارە لە هەر رۆژێك دا. (بەزار) گێڕاویەتیەوە.
لە كۆتاییدا ئەوەشی زیاد كردوە و دەڵێ: ئیبن عەبباس بە دایكی كوڕەكەی دەگوت: (تۆ لەو كەسانەی، كە زۆر بەزەحمەت ڕۆژوى بۆ دەگیرآ. لەبەر ئەوە لەسەرت پێویستە فیدیە بدەی و قەزا نەكەیەوە). دار القطني ئیسنادەكەی بە (صحيح) داناوە
لە (نافع)ەوە كە ئیبن عومەر سەبارەت بە ئافرەتی دو گیان پرسیاری لێ كرا، كاتێك گەر بە ڕۆژو بێ، بەڵام لەوە بترسێ منداڵەكەی توشی مەترسی ببێ، ئەویش فەرموی: با بەرۆژو نەبێ و لە شوێنی هەر ڕۆژێك یەك (مُد) واتە: (یەك مشت گەنم) بدات بە هەژاران. مالك و بەیهەقی گێڕاویانەتەوە.
پێغەمبەر صلى الله عليه وسلم فەرمویەتی: ((إن الله وضع عن المسافر الصوم وشطر الصلاة، وعن الحبلى والمرضع الصوم)). رواه أبوداود والترمذي وأبن ماجة (سنده جيد)
واتە: خوای بەخشندە رۆژوگرتن و نیوەی نوێژی لەسەر ڕێبوار(مسافر) هەڵگرتوە، هەروەها بۆ ئافرەتی دو گیان و شیردەریش.
لەم بارەیەوە چەند ئایەتێك هاتوە كە دەبێ نەخۆش و ڕێبوار رۆژو بگرنەوە. بەڵام لەسەر ئافرەتی دو گیان و شیردەر پێویست نەكراوە. ئەم حوكمە شەرعىیە چەند ئاسانە، كەچی لە نێو زۆربەی مسوڵماناندا شاراوە و نادیارە، نەزانراوە و بوەتە هۆی ئەوەى ئافرەتی دو گیان و شیردەر منداڵەكەیان تیا بچێ، یان نەخۆشی ڕوی تێ بكات.
ئافرەت كاتێك دەزانێ دەبێ رۆژوەكە بگرێتەوە، ناچار رۆژو دەگرێ و خۆیی و منداڵەكەشی توشی زەرەرو زیان دەكات!
نازانم ئافرەتی دو گیان، یان شیردەر كەی كاتێكی بۆ دەلوێ و دەگونجێ، كە ڕۆژوەكەی بگرێتەوە، چونكە ئافرەت بە تایبەتی لە یەكەم ساڵی شوكردنیدا لە نێوان سكپڕی و شیردان دایە!
هەندێك لە ئیمامی مەزهەبەكان لەسەر ئافرەتی دوگیان و شیردەریان بە واجب داناوە، رۆژو بگرنەوە.
بێگومان ئەم ئیمامانە -ڕەحمەتی خوایان لێ بێ- چاویان بەو بەڵگانەدا نەخشاندۆتەوە، ئەگینا نەیان دەتوانی موخالەفەی بكەن. لە كاتێكدا گشتیان گوتویانە گەر فەرمودەیەكی صحيح هەبو ئەوە مەزهەبی منە.
ئیبن عومەر و ئیبن عەبباس دەڵێن: ((الحبلى والمرضع إذا أفطرتا عليهما الفدية ولا قضاء عليهما!!)).
واتە: ئافرەتی دو گیان و شیردەر، گەر بە ڕۆژو نەبون، لەسەریانە فدیە بدەن و قەزایان لەسەر نى یە.
قسەكانی ئیبن عەبباس و ئیبن عومەر حوكمەكەی (مرفوع)ە. چونكە وانابینرێ ئەم دو زانایە لە خۆیانەوە قسە بكەن.

www.ba8.org

بینێرە بۆ هاوڕێکەت
چاپکردن
ستایڵ
  • قەبارەی فۆنت
    • گەورەکردن:
    • zoomin
    • بچوک کردنەوە:
    • zoomout
  • جۆری فۆنت
    • ههەڵبژاردن:
  • ڕەنگی فۆنت
    • هەڵبژاردن:
  • بنەڕەتی کردنەوە
    • بنەرەتی
ڕێکلام