به‌هه‌شت لوتكه‌ی ئومێد و ئامانجی ژیانی ئیماندارانه‌، ئێمه‌ش لێره‌وه‌ له‌م مینبه‌ره‌وه‌ له‌روانگه‌ی پێشینانه‌وه‌ له‌گه‌ڵ میوانه‌كانماندا به‌ره‌و به‌هه‌شت هه‌نگاو هه‌ڵده‌گرین ،به‌هه‌شت ماڵ ومینبه‌روسه‌كۆی ئه‌وانه‌یه‌ كه‌له‌ئاسوده‌یی ده‌گه‌رِێن له‌دنیایه‌كدا كه‌پرِه‌ له‌مه‌ینه‌ت وخه‌م وزبری وگومان ودڵه‌راوكێ ئێمه‌ له‌ به‌هه‌شته‌وه‌ ئارامی ودڵنیایی ده‌كه‌ینه‌ دیاری.

رِاشكاوى یه‌كی ئاشكرا (صراحة مكشوفة‌)

پێغه‌مبه‌رصلى الله عليه وسلم ده‌فه‌رموێ: ((إذا رأى أحدكم إمرأة، فوقعت في قلبه، فليعمد إلى امرأته، فليواقعها، فإن ذلك يرد ما في قلبه)). رواه مسلم
واته‌: ئه‌گه‌ر یه‌كێك له‌ ئێوه‌ ئافره‌تێكی بینی و كه‌وته‌ دڵى یه‌وه‌، با بچێته‌وه‌ لای ژنه‌كه‌ی و له‌گه‌ڵیدا جوت ببێ، چونكه‌ ئه‌م جوتبونه‌ ده‌بێته‌ هۆى ره‌ت كردنه‌وه‌ی ئه‌وه‌ی كه‌ چۆته‌ دڵی و دڵی پێی داده‌مركێ.(1)

===========================

(1) به‌رِاستی ته‌وجیهێكی پرِ له‌ حیكمه‌ت و به‌رزه‌، به‌ تایبه‌تی له‌ رۆژگارێكی گه‌نده‌ڵی وه‌ك ئه‌مرِۆ، ئافره‌تان زیاد له‌ سنور لادان خۆیان له‌ پۆشاك داماڵیوه‌ و خۆیان كردۆته‌ مزراحی ده‌ستی گاڵته‌جارِی ئافره‌تان، بونه‌ته‌ په‌یرِه‌وكار و جێ به‌جێ كه‌ری زنجیره‌ ته‌مسیلى یه‌كانی بێگانه‌ له‌ دوای ته‌رجه‌مه‌كردنیان بۆ زمانی عه‌ره‌بی. ئافره‌تان به‌ شێوه‌یه‌ك خۆیان ده‌خه‌نه‌ رِو و پۆشاكێك له‌به‌ر ده‌كه‌ن، كه‌ هه‌ر به‌ناو پۆشاكه‌،جا كه‌ به‌م جۆره‌ خۆیان نمایش ده‌كه‌ن، سه‌رنجى گه‌نج و پیاوى پێ رِاده‌كێشن، رِه‌نگه‌ سه‌ربكێشێ بۆ خراپه‌كارى و داوێن پیسى. هه‌ر بۆیه‌ پێغه‌مبه‌رصلى الله عليه وسلم له‌م فه‌رموده‌یه‌دا رێنمایى پیاوان ده‌كات، هه‌ركاتێ شتێكى ئاوایان كه‌وته‌ به‌رچاو و سه‌رنجى رِاكێشان و ئاره‌زوى بزواندن، رِاسته‌وخۆ بچنه‌وه‌ لاى خێزانیان، ئه‌و گه‌نجانه‌ش كه‌ ژنیان نه‌هێناوه‌، ده‌بێ ئارام بگرن و زۆر به‌رِۆژو بن، هه‌روا دوعا بكه‌ن هه‌تا خواى به‌خشنده‌كارى ژن هێنانیان بۆ ئاسان ده‌كات.. ئه‌و جۆره‌ ئافره‌تانه‌ش گه‌ر تۆزێك ئابرِویان هه‌بێ، رێگه‌ به‌خۆیان ناده‌ن ئه‌م جله‌ سه‌رشۆرِكه‌ره‌ له‌به‌ر بكه‌ن. (وه‌رگێرِ)