به‌هه‌شت لوتكه‌ی ئومێد و ئامانجی ژیانی ئیماندارانه‌، ئێمه‌ش لێره‌وه‌ له‌م مینبه‌ره‌وه‌ له‌روانگه‌ی پێشینانه‌وه‌ له‌گه‌ڵ میوانه‌كانماندا به‌ره‌و به‌هه‌شت هه‌نگاو هه‌ڵده‌گرین ،به‌هه‌شت ماڵ ومینبه‌روسه‌كۆی ئه‌وانه‌یه‌ كه‌له‌ئاسوده‌یی ده‌گه‌رِێن له‌دنیایه‌كدا كه‌پرِه‌ له‌مه‌ینه‌ت وخه‌م وزبری وگومان ودڵه‌راوكێ ئێمه‌ له‌ به‌هه‌شته‌وه‌ ئارامی ودڵنیایی ده‌كه‌ینه‌ دیاری.

پاراستنى ئافره‌ت و پارێزگاری كردنی

پێغه‌مبه‌رصلى الله عليه وسلم ده‌فه‌رموێ: ((لا يحل لإمرأة تؤمن بالله واليوم الآخر أن تسافر سفراً يكون ثلاثة أيام فصاعداً إلا ومعها أبوها أو أخوها أو زوجها أو إبنها أو ذو محرم)).  رواه البخاري ومسلم وغيرهما
واته‌: ئافره‌تێك كه‌ برِوای به‌ خوای گه‌وره‌ و رۆژی دوایی هه‌یه‌، بۆی حه‌ڵاڵ نى یه‌ سه‌فه‌ر بۆ شوێنێك بكات، كه‌ ماوه‌كه‌ی له‌ سێ رۆژ به‌ره‌و سه‌ره‌وه‌ زیاتر بێت. مه‌گه‌ر باوكی، یان براكه‌ی، یان مێرده‌كه‌ی، یان كورِه‌كه‌ی، یان مه‌حره‌مێكی له‌گه‌ڵ دابێ.
پیاوێك دانی به‌م رِاستى یه‌ هێناو ده‌ڵێ: له‌ شارێك بوم به‌ دوای ژنه‌كه‌م نارد، كه‌ بێته‌ لام، ئه‌ویش له‌ شارێكی تر بو. جا له‌ كاتی دیارى كراودا چاوه‌رِوانیم كرد، به‌ڵام فرِۆكه‌كه‌ هه‌ر نه‌گه‌یشت. له‌ فرِۆكه‌خانه‌كه‌ به‌ ته‌له‌فۆن پرسیارم كرد، ئه‌وانیش گوتیان: فرِۆكه‌كه‌ شتێكی خراپ بوه‌ و ئیش ناكات و ناچار بوه‌ له‌ شوێنێك بنیشێ به‌ مه‌به‌ستی چاك كردنه‌وه‌ی، پاش سه‌عاتێكی تر فرِۆكه‌كه‌ ده‌گاته‌ شوێنی خۆی، پاشان فرِۆكه‌كه‌ گه‌یشت.. ژنی پیاوه‌كه‌ له‌سه‌ر فرِۆكه‌كه‌ دابه‌زی، مێرده‌كه‌شی چو له‌ ته‌نیشت ژنه‌كه‌ی رِاوه‌ستا. ئه‌و ئافره‌ته‌ی خزمه‌تی ناو فرۆكه‌كه‌ ده‌كات(مضيفة‌) به‌ ژنه‌كه‌ی گوت: خواحافیزیت له‌ فرِۆكه‌وانه‌كه‌ كرد؟ كاتێ ئه‌و قسه‌یه‌ی گوت نه‌یزانی ئه‌و پیاوه‌ی له‌ ته‌نیشت ژنه‌كه‌یه‌ مێردیه‌تی.
مێردی ژنه‌كه‌ زانی چی رِویداوه‌ و چی بوه‌، چونكه‌ فرِۆكه‌وانه‌كه‌ فێڵی له‌ سه‌رنشینه‌كان كردبو به‌ بیانوی بونی خه‌له‌لێك له‌ فرۆكه‌كه‌ و ماوه‌ى كاتژمێرێك پێویستی به‌ چاككردنه‌وه‌ هه‌یه‌، جا فرِۆكه‌كه‌ له‌ فرِۆكه‌خانه‌یه‌ك نیشتوه‌ و سه‌رنشینه‌كانیش دابه‌زیون، پاش تێپه‌رِبونی كاتژمێرێك سه‌رنشینه‌كان گه‌رِابونه‌وه‌ ناو فرِۆكه‌كه‌، له‌ ماوه‌ی ئه‌م كاتژمێره‌دا فرِۆكه‌وان و یاریده‌ده‌ره‌كه‌ی ئیشی خۆیان له‌گه‌ڵ به‌جێ هێنابو، واته‌: زینایان له‌گه‌ڵ كردبو! ئه‌م رِوداوه‌ مایه‌ی په‌ند و ئامۆژگارىیه‌ بۆ ئه‌و كه‌سه‌ی په‌ند و وانه‌ وه‌رده‌گرێت.
ئافره‌ت له‌ كاتی سه‌فه‌ركردندا، كه‌ یه‌كێكی مه‌حره‌می له‌گه‌ڵدا ده‌بێ، ئه‌م مه‌حره‌مه‌ ده‌بێته‌ سودمه‌ند بۆی، به‌وه‌ی یارمه‌تی ده‌دات و له‌ ده‌ستدرێژی ده‌یپارێزێت.
یه‌كێك له‌ ئافره‌ته‌ به‌ره‌ڵڵا و گاڵته‌جارِه‌كان، كه‌ گوێ بیستى ئه‌م فه‌رموده‌یه‌ی پێشه‌وه‌ بو، به‌لایه‌وه‌ سه‌رنج راكێشه‌ر و گرنگ نه‌بو. ئه‌وه‌بو خوای گه‌وره‌ وای رێك خست له‌گه‌ڵ خێزانه‌كه‌م سه‌فه‌ر بكه‌م، كاتێك ئافره‌ته‌كه‌ هات خوا حافیزیمان لێ بكات، بینی من چۆن بومه‌ته‌ یارمه‌تىده‌ری ژنه‌كه‌م له‌ هه‌ڵگرتنی كه‌ل و په‌لی سه‌فه‌ر. ئه‌و كاته‌ دانی به‌ حیكمه‌تی فه‌رموده‌كه‌ی پێغه‌مبه‌رصلى الله عليه وسلم دانا.