به‌هه‌شت لوتكه‌ی ئومێد و ئامانجی ژیانی ئیماندارانه‌، ئێمه‌ش لێره‌وه‌ له‌م مینبه‌ره‌وه‌ له‌روانگه‌ی پێشینانه‌وه‌ له‌گه‌ڵ میوانه‌كانماندا به‌ره‌و به‌هه‌شت هه‌نگاو هه‌ڵده‌گرین ،به‌هه‌شت ماڵ ومینبه‌روسه‌كۆی ئه‌وانه‌یه‌ كه‌له‌ئاسوده‌یی ده‌گه‌رِێن له‌دنیایه‌كدا كه‌پرِه‌ له‌مه‌ینه‌ت وخه‌م وزبری وگومان ودڵه‌راوكێ ئێمه‌ له‌ به‌هه‌شته‌وه‌ ئارامی ودڵنیایی ده‌كه‌ینه‌ دیاری.

له‌سه‌ر جێگه‌ی زاوایی به‌ره‌و مه‌یدانی جیهاد

قال رسول اللهصلى الله عليه وسلم عند قتل حَنْظَلَة بن أبي عامر، بعد أن التقى هو وأبو سفيان بن الحارث، ثم علاه شدّاد بنُ الأسود بالسَّيف فقتلهُ، فقال رسول اللهصلى الله عليه وسلم: ((إن صاحبكم تغسله الملائكة))، فسألوا صاحبته: فقالت: إنه خرج وهو جنب لما سمع الهائعة (منادي الجهاد). رواه الترمذي وابن حبان (حديث صحيح).
واته‌: پاش ئه‌وه‌ی حه‌نڤهله‌ و ئه‌بو سوفیانی كورِی حارس له‌ شه‌رِدا كه‌وتنه‌ به‌رامبه‌ری یه‌كتری، پاشان شه‌ددادی كورِی ئه‌سوه‌د به‌ شمشێر به‌رز بۆوه‌ سه‌ر حنظلة‌ و كوشتی، جا له‌وكاته‌ى (حنظلة‌) كوژرا پێغه‌مبه‌ر فه‌رموی: (هاورِێكه‌تان فریشته‌كان ده‌یشۆن) له‌ خێزانه‌كه‌ی پرسیار كرا حنظلة چۆن چۆته‌ ده‌ره‌وه‌: خێزانه‌كه‌ی گوتی حنظلة‌ كاتێك كه‌ گوێی له‌ بانگی جیهاد بو به‌ له‌ش گرانى یه‌وه‌‌ چوه‌ ده‌ره‌وه‌.
سه‌رنج بده‌ن: ئه‌م هاوه‌ڵه‌ به‌رِێزه‌ چ كارێكى گه‌وره‌ى ئه‌نجامدا كاتێ كه‌ بانگی جیهاد ده‌درێ و شه‌هید بونی له‌ لا خۆشتر و به‌رزتره‌ له‌ خۆشی و رابواردنی هاوسه‌رایه‌تى! ئا به‌م جۆره‌ دڵ وده‌رونه‌ گه‌ل سه‌رده‌كه‌وێ و میلله‌تی پێ به‌ عیزه‌ت و نه‌فس به‌رز ده‌بێ.