به‌هه‌شت لوتكه‌ی ئومێد و ئامانجی ژیانی ئیماندارانه‌، ئێمه‌ش لێره‌وه‌ له‌م مینبه‌ره‌وه‌ له‌روانگه‌ی پێشینانه‌وه‌ له‌گه‌ڵ میوانه‌كانماندا به‌ره‌و به‌هه‌شت هه‌نگاو هه‌ڵده‌گرین ،به‌هه‌شت ماڵ ومینبه‌روسه‌كۆی ئه‌وانه‌یه‌ كه‌له‌ئاسوده‌یی ده‌گه‌رِێن له‌دنیایه‌كدا كه‌پرِه‌ له‌مه‌ینه‌ت وخه‌م وزبری وگومان ودڵه‌راوكێ ئێمه‌ له‌ به‌هه‌شته‌وه‌ ئارامی ودڵنیایی ده‌كه‌ینه‌ دیاری.

نیشانه‌كانی قه‌بووڵ بوونى ته‌وبه‌

برای خۆشه‌ویستم
ته‌وبه‌ش چه‌ند نیشانه‌یه‌كی هه‌ن ئاماژه‌ن بۆ قبوڵێتی و ساغێتی ته‌وبه‌كه‌، له‌وانه‌ :
1- ئه‌بێت ئه‌و كه‌سه‌ پاش ته‌وبه‌ كردنه‌كه‌ى باشتر بێت وه‌ك له‌ پێش ته‌وبه‌كردنه‌كه‌ى : هه‌موو كه‌سێك له‌ بۆخۆی ئه‌مه‌ ده‌زانێت. جا هه‌ركه‌سێك دوای ته‌وبه‌كردن رِوو له‌ خواو، هیممه‌ت داررو و وره‌ به‌رز بوو، ئه‌وا نیشانه‌ى رِاستی و ساغی و قبوڵێتی ته‌وبه‌كه‌یه‌تی .
2- به‌رده‌وام ده‌بێت (ترس له‌ گه‌رِانه‌وه‌ بۆ تاوانـ) ـی لێ نه‌برِێت : چونكه‌ مرۆڤی ژیر بۆ چركه‌ ساتێكیش بووه‌، له‌ سزای خوا بێ ئاگا نا بێت. هه‌ر بۆیه‌ ترسه‌كه‌ى به‌رده‌وامه‌ تا ئه‌و ده‌مه‌ی گوێی له‌ ( فریشته‌ رِاسپێراوه‌كان به‌ رِوحكێشان )یی ده‌بێ، پێی ده‌ڵێن : [ ألَّا تَخَافُوا وَلَا تَحْزَنُوا وَأَبْشِرُوا بِالْجَنَّةِ الَّتِي كُنْتُمْ تُوعَدُونَ  ] فصلت 30  . مه‌ترسێن و هیچ غه‌م و په‌ژاره‌یه‌كتان نه‌بێت، وه‌ مژده‌تان لێ بێ به‌و به‌هه‌شته‌ى كه‌ كاتی خۆی به‌ڵێنتان پێ ده‌درا. ئیتر ئا له‌و كاته‌دا ترس و بیم و غه‌م و په‌ژاره‌كه‌ى ده‌رِوا .
3- ئه‌بێت به‌ گه‌وره‌ ته‌ماشای تاوانانه‌كانی بكات ، ئه‌گه‌رچی ته‌وبه‌شی كردووه‌، ئیبن مه‌سعود رضي الله عنه ده‌فه‌رموێت : [ ئیماندار تاوانه‌كانی وه‌كو شاخێك ته‌ماشا ده‌كا له‌ ژێریدا دانیشتبێت، ده‌ترسێ داكه‌وێته‌ سه‌ری ، به‌ڵام مرۆڤی خراپه‌كارو ده‌غه‌ڵ تاوانه‌كانی به‌ مێشوله‌یه‌ك ده‌زانێت به‌لای لوتی تێبپه‌رِێت، ئه‌ویش به‌ده‌ستی ئاوایه‌كی لێبكات و بفرێت ] . هه‌ندێك له‌ سه‌له‌ف گوتویانه‌ : ته‌ماشای بچوكی تاوان مه‌كه‌ به‌ڵكو ته‌ماشای ئه‌وه‌ بكه‌ كه‌ سه‌رپێچی كێت كردووه‌ .
4- ئه‌بێت ته‌وبه‌كردن ئیماندار دڵشكاو بكات، وه‌ملكه‌چ و بێ فیزی بكات به‌رانبه‌ر به‌ په‌روه‌ردگاری : هیچ شتێك له‌وه‌ خۆشه‌ویستتر نیه‌ له‌ لای خوا كه‌ به‌نه‌ده‌ به‌ دڵشكاوی و لاوازی وملكه‌چی یه‌وه‌ بگه‌رِێته‌وه‌ لایی، به‌ دڵێكی ته‌رِ به‌زیكری خوا ، (ئاو درا بێت به‌ زیكری خوا )، به‌ بێ خۆپه‌سه‌ندی وله‌خۆبایی بوون، به‌بێ حه‌ز كردن له‌ ستایش، به‌بێ به‌كه‌م ته‌ماشاكردنی خه‌ڵك به‌هۆی تاوان و سه‌رپێچیانه‌وه‌، جا هه‌ركه‌سێك ئه‌مه‌ى له‌خۆ نه‌بینی با تۆمه‌تباری ته‌وبه‌كه‌ى خۆی بكات و هه‌وڵی رِاستكردنه‌وه‌ى بدات .
5- ئه‌بێت ئاگاداری كرداری ئه‌ندامه‌كانی بێت : با ئاگادری زمانی بێ و له‌ درۆكردن و غه‌یبه‌ت و فیتنه‌یی و قسه‌ هێنان و قسه‌ بردن و وته‌ى زیاده‌، وه‌ سه‌رقاڵی كا به‌ یادی خواو قورئان خوێندن . هه‌روه‌ها ئاگاداری ورگی بێت، هه‌رچی حه‌ڵاڵه‌ ئه‌وه‌ بخوات . وه‌ ئاگاداری چاوه‌كانی بێ، حه‌رامی پێ نه‌بینێ. وه‌ ئاگاداری گوێی بێ، گوێ له‌ حه‌رامه‌كان نه‌گرێ، وه‌كو درۆو غه‌یبه‌ت و مۆسیقا . هه‌روه‌ها ئاگاداری ده‌سته‌كانی بێ، له‌ بۆ شتی حه‌رام درێژیان نه‌كات . وه‌ ئاگاداری پێكانی بێت، پێی نه‌رِوا بۆ جێگا حه‌رام كراوه‌كان. له‌ هه‌مووى گرنگتر ئاگاداری دڵی بێ، له‌ بوغزو حه‌سودی و خۆشویستنی دوژمنانی خوا و رِق لێبوونی دۆستانی خوا . وه‌ ئاگاداری په‌رستشه‌كانی بێت، ساغ و بێ خه‌وشی كا به‌ته‌نها له‌ بۆ خوا، وه‌ دوور كه‌وێته‌وه‌ له‌ رِیابازی و ناوپه‌یدا كردن .

گه‌رِانه‌وه‌ بۆ لاپه‌رِه‌ى پێشوو