به‌ناوى خواى گه‌وره‌ و میهره‌بان
یه‌كێك له‌ ئادابه‌كانى ده‌ست به‌ ئاو گه‌یاندن ئه‌وه‌یه‌ له‌ شوێنێكدا ئه‌و كاره‌یه‌ ئه‌نجام بده‌یت كه‌ جلوبه‌رگ و گیانت پیس نه‌بێت هه‌روه‌ها به‌ پێوه‌ میز كردن ئه‌گه‌ر ببێته‌ مایه‌ى پیسبوونى ئه‌وانه‌ ئه‌وا دروست نییه‌ جا میزكردن به‌ پێوه‌ جوان نیه‌ و پێچه‌وانه‌ى ئاكاره‌كانه‌ به‌ڵام ئه‌گه‌ر به‌ پێوه‌ بكرێت و له‌ش و جل و به‌رگ پیس نه‌كات دروسته‌ .
عائشه‌ خواى لێ رِازى بێ ئه‌فه‌رموێ : (من حدّثكم أن رسول الله صلى الله عليه وسلم بال قائماً فلا تصدَّقوه ما كان يبول إلا جالساً) رواه الخمسة إلا أبو داود
واته‌ : هه‌ر كه‌س پێى ووتن پێغه‌مبه‌رى خوا صلى الله علیه وسلم به‌ پێوه‌ میزى كردووه‌ ئه‌وه‌ باوه‌رِى پێ مه‌كه‌ن چونكه‌ پێغه‌مبه‌رى خوا صلى الله علیه وسلم به‌ دانیشتنه‌وه‌ هه‌میه‌ش میزى ده‌كرد . ئه‌مه‌ سوننه‌تى به‌رده‌وامى پێغه‌مبه‌رى خوایه‌ صلى الله علیه وسلم به‌ڵام ده‌بینى (حذيفة‌) خواى لێ رٍِازى بێ ئه‌ڵێ : (أن النبيّ صلى الله عليه وسلم انتهى إلى سباطة قومٍ فبال قائماً فتنحيتُ عنه فقال أُدنه فدنوت حتى قمت عند عقبيه فتوضأ ومسح على خفيه) رواه الجماعة .

واته‌ : پێغه‌مبه‌رى خوا صلى الله علیه وسلم رِۆشته‌ سه‌ر سه‌رانگوێلكه‌یه‌ك به‌ پێوه‌ میزى كرد منیش دوركه‌وتمه‌وه‌ لێى فه‌رمووى نزیك به‌ره‌وه‌ نزیك بومه‌وه‌ تا له‌ پشتیه‌وه‌ وه‌ستام جا ده‌ستنوێژى كرد و مه‌سحى كرد له‌سه‌ر خوفه‌كانى.
ئه‌م فه‌رمووده‌یه‌ به‌ڵگه‌ى ئه‌وه‌ى تێدایه‌ كه‌ جائیزه‌ به‌مه‌رجێك پارێزراو بێت له‌ پرش و پیس بوون .
بۆچوونى عائیشه‌ له‌سه‌ر ئه‌وه‌ بنیات نرابوو كه‌ نه‌یبیستبوو به‌ڵام بینیبوى له‌ زانستدا به‌وه‌ى (حذيفة‌) كار ده‌كرێت كه‌ جائیزه‌ .

له‌ لایه‌ن مامۆستا (خلیل أحمد)ه‌وه‌ وه‌ڵام دراوه‌ته‌وه‌