من ئه‌م نیوه‌رِۆیه‌ خه‌وتبووم خه‌وم بینى خه‌وێكى خراپ كه‌ هه‌ستام سه‌یر ئه‌كه‌م دوو قه‌تره‌ ئاوم هاتۆته‌وه‌ ئایا رِۆژووه‌كه‌م ده‌شكێت؟ یان هه‌ر به‌رده‌وام بم له‌سه‌ر گرتنى و نوێژه‌كانم بكه‌م .

براى به‌رِێزمان داواى لێبووردنت لێ ده‌كه‌ین بۆ دواخستنى پرسیاره‌كه‌ت ، و دره‌نگ وه‌ڵام دانه‌وه‌ى ، ده‌بوایا زۆتر وه‌ڵام بدرایه‌ته‌وه‌ ، به‌ڵام به‌ هۆى سه‌رقاڵى مه‌شغه‌ڵه‌ته‌وه‌ ، وه‌ڵامى پرسیاره‌كه‌ت دوا كه‌وت بۆ ئێستا ... خواى په‌روه‌ردگار هه‌موو لایه‌كمان ببوورێت .
له‌ وه‌ڵامى پرسیاره‌كه‌تدا ده‌ڵێم :
بینینى خه‌وى خراپ و له‌ش گران بوون له‌ كاتى به‌ رِۆژوو بووندا هیچ زیانێكى بۆ رِۆژووى رِۆژووان نیه‌ ـ جا ئه‌و ئاوه‌ى كه‌ دێته‌وه‌ دوو قه‌تره‌ بێت یان زیاتر ـ بۆیه‌ رِۆژووان ـ له‌ بار و دۆخێكى ئاوادا ـ پێویسته‌ له‌ سه‌رى به‌رده‌وام بێت له‌ سه‌ر رِۆژووه‌كه‌ى .
وه‌ سه‌باره‌ت به‌ نوێژه‌كانى : پێویسته‌ غوسڵ بكات و نوێژه‌كانى ئه‌نجام بدات ... خواى په‌روه‌ردگاریش زاناتره‌ .
بۆ زانینى زیاتر سه‌باره‌ت به‌ ئه‌حكامه‌كانى رِۆژووان ، و چۆنێتى رِۆژووى پێغه‌مبه‌ر ( صلى الله علیه وسلم ) له‌ رِمه‌زاندا ، ئه‌م كتێبه‌ بخوێنه‌وه‌ ( چۆنێتى رِۆژووى پێغه‌مبه‌ر ( صلى الله علیه وسلم ) له‌ رِمه‌زاندا ) .

وَآخِرُ دَعْوَانَا أَنِ الْحَمْدُ لِلّهِ رَبِّ الْعَالَمِينَ

له‌ لایه‌ن مامۆستا (عدنان بارام) ه‌ وه‌ وه‌ڵام دراوه‌ته‌وه‌