له‌ هیچێك له‌و فه‌رموودانه‌ى كه‌ باس له‌ سه‌رفتره‌ ده‌كه‌ن باس له‌وه‌ ناكه‌ن كه‌ ده‌بێت به‌ پێی وڵاتى خۆت ( واته‌ : وڵاتى دایك ، یان ئه‌و وڵاته‌ى كه‌ تێیدا له‌ دایك بووى) ، یان به‌ پێی ئه‌و وڵاته‌ بێت كه‌ تێیدا ده‌ژیت ، به‌ڵكو به‌ رِه‌هایه‌ هاتووه‌ ، و هیچ په‌یوه‌ستیه‌كى پێوه‌ دانه‌نراوه‌ ، و ته‌نها ووتراوه‌ خواردن بده‌ن .
بۆیه‌ : ئه‌گه‌ر خۆت سه‌رفتره‌كه‌ت دا ، و له‌ وڵاتانى ئه‌ورۆپایت ، ئه‌وا خواردنى هه‌ژارى موسڵمانان ده‌ده‌یت له‌وێ .
وه‌ ئه‌گه‌ر كه‌سێك له‌ وه‌ڵاتى خۆت بكه‌ى به‌ وه‌كیل كه‌ ئه‌و كاره‌ت بۆ ئه‌نجام بدات له‌و وڵاته‌ى كه‌ تێیدا له‌ دایك بووى ، ئه‌وا به‌ پێی ئه‌و وڵاته‌ ده‌یدات كه‌ وه‌كیله‌كه‌تى تێدایه‌ .
برِى سه‌رفتره‌كه‌ش بریتیه‌ له‌ ( صاعێك ) له‌ خواردن كه‌ چوار گوێل ده‌كات به‌ ده‌ستى كه‌سێكى مام ناوه‌ند ، كه‌ زانایان به‌ دوو كێلۆ و چوارسه‌د غه‌رام خه‌مڵاندوویانه‌ ، وه‌ هه‌ندێكى تر فه‌رموویانه‌ نیو صاعه‌ دوو گوێل ده‌كات و ده‌كاته‌ یه‌ك كێلۆ و دوو سه‌د غه‌رام خواردن .
وه‌ ده‌بێت ئه‌وه‌ش بزانى كه‌ به‌ هیچ شێوه‌یه‌ك به‌ پاره‌ نابێت ئه‌نجام بدرێت ، واته‌ : پاره‌ له‌ جیاتى خواردنه‌كه‌ بدرێت ، بۆ زانینى زیاتر سه‌باره‌ت به‌ ئه‌حكامه‌كانى رِۆژووان به‌ گشتى ، كه‌فاره‌ت و فیدیه‌ دان له‌ رِۆژوو ، و چۆنێتى رِۆژووى پێغه‌مبه‌ر (صلى الله علیه وسلم ) له‌ رِمه‌زاندا ، ئه‌م كتێبه‌ بخوێنه‌وه‌ ( چۆنێتى رِۆژووى پێغه‌مبه‌ر ( صلى الله علیه وسلم ) له‌ رِمه‌زاندا ) .
یان كتێبى : ( فه‌تواى گه‌وره‌ زانای انى ئه‌هلى سوننه‌ و جه‌ماعه‌ ( ابن باز والألباني وابن العثيمين والوادعي وفوزان واللجنة الدائمة للإفتاء ) سه‌باره‌ت به‌ نادرووستێ تى سه‌رفتره‌دان به‌ پاره‌ . )

وَآخِرُ دَعْوَانَا أَنِ الْحَمْدُ لِلّهِ رَبِّ الْعَالَمِينَ

له‌ لایه‌ن مامۆستا (عدنان بارام) ه‌ وه‌ڵام دراوه‌ته‌وه‌