نه‌خێر ئاو له‌ده‌م و لووت كردن له‌ كاتى به‌ رِۆژوو بوندا رِۆژوو به‌تال ناكاته‌وه‌ و هیچ زیانێكى بۆى نیه‌ ، به‌ڵام نابێت غه‌رغه‌ره‌ و موباله‌غه‌ پێ بكرێت به‌ هه‌ڵمژینى ئاوه‌كه‌ بۆ سه‌ره‌وه‌ى لووت و مڵاشوو ، یان بۆ ناو قورِگ ، چونكه‌ پێغه‌مبه‌رى خوا ( صلى الله علیه وسلم ) ئاوى رِاداوه‌ به‌ ناو ده‌م و لووتى دا كاتێك كه‌ به‌ رِۆژوو ده‌بوو ، به‌ڵام زیاده‌رِه‌وى ( موباله‌غه‌ى ) له‌م دوو كاره‌دا قه‌ده‌غه‌ ( مه‌نع ) كردووه‌ له‌سه‌ر رِۆژووان و فه‌رموویه‌تى : " . .. وَبَالِغْ في الإستِنْشَاقِ إلا أَنْ تَكُونَ صَائِمَاً " ( أخرجه الترمذي : (3 / 146) ، وأبو داود : (2 / 308) ، وأحمد : (4 / 32) ، وابن أبي شيبة : (3 / 101) ، وابن ماجه رقم : ( 407) ، والنسائي رقم : ( 87 ) عن لقيط بن صبرة ، وسنده صحيح ) .واته‌ : زیاده‌رِه‌وى و ( موباله‌غه‌ ) بكه‌ له‌ ئاو وه‌رِادانه‌ ناو لووت دا جگه‌ له‌و كاته‌ى كه‌ به‌ رِۆژوو ده‌بی .
بۆ زانینى زیاتر سه‌باره‌ت به‌ ئه‌حكامه‌كانى رِۆژووان ، و چۆنێتى رِۆژووى پێغه‌مبه‌ر (صلى الله عليه وسلم ) له‌ رِمه‌زاندا ، ئه‌م كتێبه‌ بخوێنه‌وه‌ ( چۆنێتى رِۆژووى پێغه‌مبه‌ر ( صلى الله علیه وسلم ) له‌ رِمه‌زاندا ) .

وَآخِرُ دَعْوَانَا أَنِ الْحَمْدُ لِلّهِ رَبِّ الْعَالَمِينَ

له‌ لایه‌ن مامۆستا (عدنان بارام) ه‌ وه‌ وه‌ڵام دراوه‌ته‌وه‌